ही घटना सोमवारी रात्री साडेअकराच्या सारसबागेजवळील सावरकर चौक येथे घडली. पवार आणि उनाळे पर्वती बीटवर गस्तीवर होते. स्वातंत्र्यवीर सावरकर चौक परिसरात कालव्याजवळ एक महिला संशयास्पदरीत्या उभी असल्याचे त्यांना दिसून आले. तिची हालचाल पाहून त्यांनी तिला हटकले. ती महिला बोलण्याच्या मनःस्थितीत नव्हती. त्या वेळी लोकांची गर्दीही जमली. मार्शल तिच्याकडे जाऊ लागताच महिलेने अचानक कालव्यात उडी घेतली.
Pune Crime : कोणाला डॉन व्हायचंय? पुणे पोलिसांनी दहशत पसरवणाऱ्यांचा उतरवला माज, Video व्हायरल
महिलेचा जीव धोक्यात असल्याचे लक्षात येताच पवार यांनी क्षणाचाही विलंब न करता थेट पाण्यात उडी घेतली. पाण्याच्या वेगात महिला सुमारे शंभर मीटर वाहत गेली. दुसरीकडे उनाळे यांनी कालव्याच्या काठाने धावत जाऊन पवार यांना मदत केली. पवार यांनी पाण्यात वाहत जाणाऱ्या महिलेपर्यंत पोहोचून तिला पकडले आणि किनाऱ्याजवळ आणले. किनाऱ्यावर उनाळे यांनी त्यांना हात देऊन पाण्याबाहेर काढले.
Pune Crime: चुलतीला ‘आय लव्ह यू’ म्हटलं, पुतण्या संतापला, हॉकी स्टिक घेतली अन् सोन्याने खलीबलीला संपवलं; पुण्यात खळबळ
महिलेची अवस्था पाहता तिला त्वरित सुरक्षित ठिकाणी आणून, प्राथमिक काळजी घेण्यात आली. त्यानंतर दोन्ही पोलिस मार्शलनी तिला स्वारगेट पोलिसांच्या ताब्यात दिले. प्राथमिक चौकशीत नवरा-बायकोच्या वादातून व मानसिक तणावातून महिलेने हे टोकाचे पाऊल उचलल्याचे उघड झाले आहे. पोलिसांनी संपूर्ण घटनेचे व्हिडिओ चित्रण पुराव्यासाठी जतन केले आहे. पोलिसांच्या या तत्पर व धाडसी कृतीचे स्थानिकांनी कौतुक केले.