प्रफुल्ल तांगडी, 42 वर्ष आणि तेजस तांगडी, 22 वर्ष अशी हत्या झालेल्या युवकांची नावं आहेत. भिवंडीत तालुक्यातील खारबाव चिंचोटी रस्त्यावरील खार्डी येथील तांगडीच्या कार्यालयात ही घटना घडली. या घटनेने राजकीय वर्तुळात खळबळ उडाली असून तांगडी कुटुंबावर दुःखाचा डोंगर कोसळला आहे.

नेमकं काय घडलं?

प्रफुल्ल तांगडी दोन सहकाऱ्यांसोबत जे डी टी इंटरप्रायसेस या आपल्या कार्यालयात बसला होता. यावेळी रात्री 11 वाजताच्या सुमारास हल्लेखोरांनी त्याच्यावर तलवार आणि चाकूने हल्ला केल्याचा आरोप आहे. हल्ल्यानंतर दोघं भाऊ जमिनीवर कोसळले, त्यांना रुग्णालयात नेले असता डॉक्टरांनी मृत घोषित केले. दोघांचे मृतदेह पोस्टमार्टमसाठी पाठवण्यात आले आहेत.Pune Accident : देवाचं नामस्मरण आणि भजनं म्हणत हसत-खेळत प्रवास, पुण्यातील पिकअप अपघातापूर्वी शेवटचा व्हिडिओ, दहा महिलांनी गमावले प्राण
प्रफुल्ल तांगडी भाजपा युवा मोर्चा जिल्हा उपाध्यक्ष म्हणून कार्यरत होता. त्याच्या खुनाने परिसरात खळबळ उडाली आहे. दरम्यान आरोपींमध्ये चार ते पाच हल्लेखोर असल्याची प्राथमिक माहिती आहे.

Ratnagiri Crime : जोशीबाईंकडे दागिने असणार, जयेश-गणेशने प्लॅन आखला, शिक्षिकेच्या मर्डर केसचा धागा सोडवला लहानश्या…

अल्पवयीन मुलीवर सामूहिक बलात्कार

दुसरीकडे, मध्य मुंबईत एका अल्पवयीन मुलीवर सामूहिक बलात्कार करण्यात आल्याचा धक्कादायक प्रकार समोर आला आहे. सहा आरोपींमध्ये पाच अल्पवयीन असून, यात मुलीच्या मित्राचाही समावेश असल्याचे पोलिसांनी सांगितले. एका अल्पवयीन आरोपीने मुलीसोबत मैत्री वाढवली. त्याने पीडितेस अन्य आरोपीच्या घरी नेले. तिथे या दोघांनी पीडितेवर सामूहिक बलात्कार केला. याचे चित्रीकरण करून ते व्हायरल करण्याची धमकी देत या दोघांसह अन्य चार अल्पवयीन आरोपींनी पीडितेवर नियमित अत्याचार केले. ऑक्टोबरपासून सुरू असलेल्या अत्याचारांना गेल्या आठवड्यात मुलीच्या पालकांनी तिच्या मोबाइलमधील फोटो पाहिल्यानंतर वाचा फुटली.