नेमकं काय घडलं?

काकासाहेब जाधव आपल्या आईकडे वारंवार शेत विकण्यासाठी बोलत होता. मात्र, त्याला त्याच्या आईने विरोध केला होता. त्यामुळे समिंद्रबाई वेणुनाथ जाधव यांना काकासाहेब याने जबर मारहाण केली. त्यानंतर त्यांचं तोंड दाबून जीव घेतला. त्यानंतर पुरावा नष्ट करण्याच्या उद्देशाने स्वतःच्या शेतातील उसाच्या फडात आईचा मृतहेद पुरला. त्यानंतर त्याने स्वत: गळफास घेऊन आत्महत्या केली. या प्रकरणी रेणापूर पोलिस ठाण्यात मृत काकासाहेब जाधव याच्यावर हत्येचा गुन्हा दाखल केला आहे. समिंद्रबाई जाधव याला चार मुली व एक मुलगा होता. आई जमीन विकू देत नसल्यानं तिची हत्या केली आणि स्वतः झाडाला गळफास घेऊन आत्महत्या केली.

Ratnagiri Crime : कोकणातील निवृत्त शिक्षिकेच्या हत्येचं गूढ उकललं, धक्कादायक कारण समोर, चिपळूणमधून तरुणाच्या मुसक्या आवळल्या
मुलाच्या मृत्यूनंतर काही तासांमध्ये आईचा मृतदेह आढळला. काकासाहेब जाधव याने रेणापूर पिंपळफाटा येथे लिंबाच्या झाडाला गळफास घेऊन आत्महत्या केल्याची घटना गुरुवारी रोजी दुपारी चार ते साडेचार वाजण्याच्या सुमारास घडली होती. मात्र, ही घटना काल उघडकीस आली. या घटनेची माहिती मिळताच पोलिसांनी घटनास्थळी भेट देऊन पंचनामा केला, आणि माहिती घेतली. त्यानंतर काही तासांतच आईचाही मृतदेह गावातील शेतात रात्री ९ वाजण्याच्या सुमारास आढळून आला होता. या घटनेनं परिसरात एकच खळबळ उडाली.

माय-लेकावर एकत्र अंत्यसंस्कार

मुलगा काकासाहेब वेणुनाथ जाधव व आई समिंद्रबाई वेणुनाथ जाधव यांच्या मृतदेहाची रेणापूर येथील ग्रामीण रुग्णालयात तपासणी झाली. त्यानंतर काल शुक्रवारी सकाळी दोन्हीही मृतदेह नातेवाइकांच्या ताब्यात देण्यात आले. त्यानंतर माय-लेकाच्या पार्थिवावर एकाच चितेवर अंत्यसंस्कार करण्यात आले.