HSRP Number Plate : महाराष्ट्रामध्ये उच्च सुरक्षा नोंदणी क्रमांक प्लेट (एचएसआरपी) बसवण्यासाठीची अंतिम मुदत 15 ऑगस्ट असल्याने ती संपायला अवघे सात दिवस शिल्लक आहेत.
महाराष्ट्रामध्ये उच्च सुरक्षा नोंदणी क्रमांक प्लेट (एचएसआरपी) बसवण्यासाठीची अंतिम मुदत पूर्वी 31 मार्च 2025 होती, त्यानंतर 30 जून 2025 करण्यात आली. आता 15 ऑगस्ट असल्याने ही मुदतही संपायला अवघे सात दिवस शिल्लक आहेत. मुदत वाढवून प्रश्न सुटणार नसल्याचे परिवहन आयुक्त विवेक भिमसनवार म्हणाले. त्यामुळे नंबर प्लेटसाठी नोंदणी केली नाही तर 15 ऑगस्टनंतर कारवाईचा बडगा बसणार आहे.
1 एप्रिल 2019 पूर्वी खरेदी केलेल्या वाहनांवर या नंबर प्लेट नाहीत. त्यामुळे दिलेल्या मुदतीत त्यांना ही प्रक्रिया पूर्ण करावी लागेल, अन्यथा 1 हजार रुपये दंड आकारण्यात येईल, असा इशारा परिवहन शाखेकडून देण्यात आला. नागपूर जिल्ह्यातील तीन आरटीओ कार्यालयांतर्गत 22 लाख 34 हजार 921 वाहनांना ‘एचएसआरपी’ बसविण्याची गरज आहे. मात्र आतापर्यंत केवळ 15.88 टक्के वाहनांनाच नंबर प्लेट लावण्यात आल्या आहेत.
Raksha Bandhan : ज्या मृत चिमुकलीच्या हाताचं प्रत्यारोपण, तिच्याच दादाला मुंबईकर तरुणीने राखी बांधली, आई म्हणाली माझी लेक परतली
जिल्ह्यातील चित्र असे
आरटीओ कार्यालय : नोंदणी झालेले : एचएसआरपी बसविले
एमएच 31 (शहर) : 1 लाख 30 हजार 718 / 1 लाख 9 हजार 872
एमएच 49 (शहर) : 1 लाख 27 हजार 336 / 1 लाख 8 हजार 678
एमएच 40 (ग्रामीण) : 2 लाख 3 हजार : 1 लाख 38 हजार
मुंबई-गोवा महामार्गाची शिवेंद्रराजे भोसलेंकडून पाहणी, काय-काय अडचणी; खड्डेदुरुस्ती कधी?
नोंदणी करून ठेवा
जानेवारी 2025 पासून नवीन नंबरप्लेट बसविण्याची प्रक्रिया हाती घेण्यात आली आहे. जिल्ह्यातील गाड्यांची संख्या लक्षात घेता नंबरप्लेटसाठी नोंदणी करणाऱ्यांचे प्रमाण खूप कमी आहे. मुदत वाढेल, या अपेक्षाने नागरिक नोंदणी करीत नाही. कारवाईची वेळ येऊ नये यासाठी सात दिवसांत किमान नोंदणी करून ठेवा. नंबर प्लेट लावण्यासाठी 2 महिन्यांनंतरचा ‘स्लॉट’ मिळू शकतो. नोंदणी केली तर कारवाई होणार नाही, असे प्रादेशिक परिवहन अधिकारी (नागपूर ग्रामीण) विजय चव्हाण यांनी सांगितले.
Crime News : यवतमाळच्या लेडी कंडक्टरचा जीव देण्याचा प्रयत्न, बस स्थानकाजवळ झाडावर चढली, रिक्षावाला देवदूत ठरला
या आहेत अडचणी
-वाहनचालकांचे रेकॉर्ड परिवहन कार्यालयाकडे अपडेट नाहीत.
-मोबाइल अपडेट नसल्याने ओटीपी प्राप्त होत नाही.
-दुसऱ्याच्या मोबाइलवरूनही नोंदणी करता येते, मात्र नंबर प्लेट लावण्याच्या वेळी वाहनचालकाचा नंबर अपडेट करणे आवश्यक आहे.
-अनेक वाहनांचा डेटा सिस्टिमला नसल्याने नोंदणी करण्यात अडचणी जात आहेत.
-सोसायटीला आवाहन करूनही निरुत्साह असल्याने शिबिराचे भरविता आले नाही.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा