यवतमाळ जिल्ह्यातील पुसद बस स्थानक परिसरात गुरुवारी ही घटना घडली. सविता असे 40 वर्षीय लेडी बस कंडक्टरचे नाव आहे. गुन्हा दाखल झाल्यामुळे तणावात असल्याने महिला कंडक्टरने टोकाचं पाऊल उचलण्याचा प्रयत्न केल्याची माहिती समोर येत आहे.

काय आहे प्रकरण?

दोन दिवसांपूर्वी सविता यांनी बसमधून शाळेत जात असलेल्या मुलीला मारले होते. त्याची तक्रार झाल्यावर पुसद पोलिस स्टेशनमध्ये महिला वाहकावर अदखलपात्र गुन्हा दाखल करण्यात आला होता. त्याच बरोबर तिकिटाच्या हेराफेरीबद्दल गुन्हा दाखल असून त्याची चौकशी सुरु आहे. त्यामुळे कारवाईच्या भीतीने महिला वाहक सविता आत्महत्या करण्यासाठी पुसद बस स्थानक परिसरात असलेल्या उंच झाडावर चढली.
Mumbai Crime : दुसऱ्या लग्नाची आस महागात, न्यूयॉर्कच्या डॉक्टरचा मधाळ बोलून गंडा, बोरिवलीच्या विवाहितेने स्वतःची…

रिक्षाचालक झाडावर चढला

उडी घेऊन आत्महत्या करणार असे दिसताच नागरिक धावून आले. पोलिसांना माहिती मिळताच शहर पोलिस स्टेशनचे ठाणेदार सेवानंद वानखेडे यांनी आपल्या पथकासह घटनास्थळ गाठलं. महिला वाहक खाली उतरण्यास तयार नव्हती. शेवटी सलमान नावाचा ऑटो रिक्षा चालक झाडावर चढला. त्याने महिला वाहकाला खाली उतरविले. या घटनेने बस स्थानक परिसरात खळबळ उडाली होती.

Raksha Bandhan : ज्या मृत चिमुकलीच्या हाताचं प्रत्यारोपण, तिच्याच दादाला मुंबईकर तरुणीने राखी बांधली, आई म्हणाली माझी लेक परतली

सिडको, इंदिरानगरात दोघांची आत्महत्या

दुसरीकडे, नाशिक येथील सिडको आणि इंदिरानगर परिसरात दोन वेगवेगळ्या ठिकाणी दोघांनी आत्महत्या केली. सिडकोत पाटीलनगर येथील नम्रता चौकात 46 वर्षीय बाळू जिभाऊ बच्छाव यांनी गुरुवारी सकाळी सुमारे 11 वाजेच्या सुमारास किचनमध्ये गळफास घेतला. त्यात त्यांचा मृत्यू झाला. दुसऱ्या घटनेत घटना पाथर्डी गावात घडली असून, 27 वर्षीय विशाल राजू दोंदे यांनी सायंकाळी सहाच्या सुमारास घरात गळफास लावून आत्महत्या केली. पोलिसांनी आकस्मात मृत्यूची नोंद केली आहे.