एका अत्यंत गंभीर अपघातामध्ये हात गमावलेल्या मुंबईतील 13 वर्षीय सोना (नाव बदलले आहे) हिने हात प्रत्यारोपण शस्त्रक्रियेनंतर या नव्या कृत्रिम हाताने राखी बांधली आहे. विशेष म्हणजे, ज्या मुलीचे हात सोनाला मिळाले, तिच्या भावासोबत सोनाने रक्षाबंधन साजरे केले. या क्षणी राखी बांधलेला भाऊरायाही गहिवरला अन् दोन्ही कुटुंबीयांचे डोळेही पाणावले. माझी मुलगीच परत आल्यासारखं वाटलं, अशा भावना दात्रीच्या आईने व्यक्त केल्या.

आम्ही आमच्या मुलीच्या निधनाच्या धक्क्यातून अद्याप सावरलेलो नाही, मात्र सोना इतक्या लांब प्रवास करुन आमच्यासाठी आली, या तिच्या भावनाच फार गोड आहेत. तिला बघून माझं दुःख मायेत परावर्तित झालं, तिने माझ्या लेकाला राखी बांधल्याने आता तीसुद्धा आमची लेक आहे, अशा भावना मयत दात्रीच्या आईने बोलून दाखवल्या.

सोनाने हात कसे गमावले होते?

दरम्यान, मुंबईतील सोना ही 13 वर्षांची मुलगी 2022 मध्ये सुट्टीत उत्तर प्रदेश येथील अलिगढ या तिच्या मूळ गावी गेली होती. तिथे तिच्या चुलत भावासोबत खेळताना तिने गच्चीवरील उच्च क्षमतेच्या विजेच्या तारेला स्पर्श केला. या तारेचा धक्का बसल्याने ती भाजली आणि तिचा उजवा हात कापावा लागला. तिच्या डाव्या हातालाही गंभीर दुखापत झाली. तिचा डावा हातही 20 टक्के काम करत होता.
Ratnagiri Crime : कोकणातील महिलेचा ओळखीतून घात? पोलिसांना मोठा क्लू मिळाला, श्वानपथकाने घराच्या मागे…
अपघाताच्या दोन वर्षांनंतर, म्हणजेच गेल्या वर्षी सप्टेंबर महिन्यात तिच्या हातावर मुंबईतील खासगी रुग्णालयामध्ये प्रत्यारोपण शस्त्रक्रिया करण्यात आली. सुरतमधील नऊ वर्षीय मेंदूमृत दात्याकडून तिला हात मिळाला. या प्रत्यारोपणामुळे तिला नव्या आयुष्याची भेट मिळाली आहे, अशी भावना ती व्यक्त करते.

Satara Crime : दोन महिन्यापूर्वी ठरलेलं लग्न मोडलं, नवे पाहुणे बघायला येणार, त्याआधीच साताऱ्यात 25 वर्षीय जवानाने आयुष्य संपवलं
अपघातानंतर काहीशी निराशा होती. मात्र आता मिळालेल्या या नव्या भेटीनंतर यंदा ती पुन्हा आपल्या भावाला राखी बांधून रक्षाबंधनचा सण साजरा करणार आहे. हात गमावल्यामुळे परावलंबित्व आले होते. मात्र प्रगत वैद्यकीय तंत्रज्ञान आणि प्रत्यारोपणाच्या पर्यायामुळे आयुष्य सुखकर झाल्याची भावना तिने व्यक्त केली.