वाल्मिक कराडची दोन मुलं आणि गोट्या गित्ते यांनी महादेव मुंडेंना…निर्घृणपणे मारल्याचा आरोप करण्यात येत आहे. या प्रकणात गोट्या गित्ते…आरोपी असल्याची माहिती आधीच मुंडे कुटुंबियांनी दिली आहे. याप्रकरणी पोलीस गोट्या गित्तेचा शोध घेत आहेत. मात्र, त्यांना गोट्या गित्ते सापडत नाही. अशातच दुसरीकडे मात्र गोट्याने इंस्टाग्राम अकाउंटवर एक व्हिडिओ पोस्ट केला आहे. या व्हिडिओमध्ये त्याने आमदार सुरेश धस, खासदार सोनवणे, अंजली दमानिया…आणि आमदार जितेंद्र आव्हाड हे आपल्यावर बिनबुडाचे आरोप करत आहेत. तसेच वाल्मीक कराडचा मी एक कार्यकर्ता आहे ते माझ्यासाठी दैवत आहेत असं म्हणतोय.तर धनंजय मुंडेंना कोणीही टार्गेट करू नका असा इशारा देखील तो व्हिडिओतून देत आहे.दरम्यान हा व्हिडिओ कधीचा आहे हे अद्याप पर्यंत होऊ शकले नाही. मात्र सोशल मीडियावर हा व्हिडिओ सध्या व्हायरल होताना दिसत आहे.