राष्ट्रवादी काँग्रेस शरद पवार गटाचे आमदार रोहित पवार यांनी या संदर्भातला व्हिडिओ ट्विट करत एकीकडे रमी खेळणारे मंत्री आणि दुसरीकडे सभेला लाभार्थी आणण्याचे टार्गेट पूर्ण न केल्यामुळे, ग्रामविकास अधिकाऱ्याला थेट कानाखाली लावून बडतर्फ करण्याच्या धमक्या देणारे मंत्री, मुख्यमंत्री फडणवीस कसे सांभाळू शकतात असा सवालच उपस्थित केला आहे. त्यामुळे पुन्हा एकदा सत्ताधाऱ्यांच्या विरोधात विरोधकांना चांगलंच कोलीत मिळाले आहे.
Sanjay Shirsat: सरकारचा पैसा आहे, आपल्या बापाचं काय जातंय? संजय शिरसाटांचं पुन्हा वादग्रस्त वक्तव्य
याविषयी विस्तृत माहिती अशी की परभणीच्या जिंतूर तालुक्यातील बोरी येथील कृषी उत्पन्न बाजार समिती येथे बोरी सर्कल मधील 17 ग्रामपंचायतीतील प्रधानमंत्री ग्राम आवास योजना टप्पा दोन अंतर्गत, लाभार्थ्यांना घरकुल मंजुरी पत्र वितरण तथा लाभार्थी गृह प्रवेश कार्यक्रम आयोजित करण्यात आला होता. या कार्यक्रमाला जिल्हा परिषदेच्या मुख्य कार्यकारी अधिकारी नीतीशा माथुर अतिरिक्त मुख्य कार्यकारी अधिकारी तथा प्रकल्प संचालक रश्मी खांडेकर गटविकास अधिकारी सुभाष मानकर नायब तहसीलदार प्रशांत राखी ग्रामपंचायत अधिकारी व विस्तार अधिकारी हे प्रमुख उपस्थित होते.

सभागृहात रम्मी खेळणारे…पैशांच्या बॅगा भरणारे… डान्सबार चालवणारे…आधी वाकडं काम करून नंतर सरळ करणाऱ्यांचा गौरव करणारे.. यामध्ये भर पडली ती आता थेट अधिकाऱ्यांच्या कानाखाली वाजवण्याची धमकी देणाऱ्या मंत्र्याची…सरकारी कार्यक्रमाला घरकुलाच्या लाभार्थ्यांना आणण्याचं टार्गेट… pic.twitter.com/rRMbQsPHde

— Rohit Pawar (@RRPSpeaks) August 2, 2025

मिळालेल्या माहितीनुसार या कार्यक्रमाला जास्तीत जास्त लाभार्थ्यांना मोठ्या संख्येने कार्यक्रमाला उपस्थित राहण्याचे आवाहन करण्यात आले होते. त्याचप्रमाणे ग्रामविकास अधिकारी आणि संबंधित अधिकाऱ्यांना या लाभार्थ्यांना मोठ्या संख्येने कार्यक्रमाला आणण्याचे देखील सांगण्यात आले होते. पण प्रत्यक्षात घरकुलाचे लाभार्थी मोठ्या संख्येने आले नाहीत. त्यामुळे चिडलेल्या पालकमंत्री मेघना बोर्डीकर यांनी बोरी ग्रामपंचायतच्या ग्रामविकास अधिकाऱ्यांन थेट धारेवर झाले. “तुझ्या कानाखाली वाजवीन” असे देखील उद्गार काढले. हा सर्व प्रकार जिल्हा परिषदेच्या मुख्य कार्यकारी अधिकारी नीतीशा माथुर यांच्यासमोर घडला.
Devendra Fadnavis: तुम्हालाही अटक होऊ शकते, पण…; CM देवेंद्र फडणवीसांचं राज ठाकरेंना प्रत्युत्तर
पालकमंत्री मेघना बोर्डीकर यांनी शासकीय कर्मचाऱ्याला अशा भाषेत बोलल्यानंतर मात्र राज्यभर याचे पडसाद उमटत आहेत. राष्ट्रवादीचे आमदार रोहित पवार यांनी थेट ट्विट करत मंत्र्याच्या कारभाराचा पाढाच वाचला आणि मुख्यमंत्री देवेंद्र फडणवीस यांना देखील या विषयात लक्ष घालण्याचे आवाहन केले. काही दिवसापूर्वीच पालकमंत्री मेघना बोर्डीकर यांचे नाव असलेल्या ट्रक मधून अवैद्य दारू सापडली होती आणि आता लगेचच हा व्हिडिओ व्हायरल झाल्याने प्रचंड खळबळ उडाली आहे. मंत्री शासकीय अधिकाऱ्यांना अशा शब्दात बोलू शकतात का? असा सवाल देखील आता उपस्थित केला जात आहे.