दोन्ही भावंडं पोरकी झाली

बुलढाणा जिल्ह्यातील चिखली तालुक्यातील ही घटना आहे. आजारपणामुळे 11 जुलै रोजी आईचा मृत्यू झाल्याने 13 वर्षीय सागर व 11 वर्षीय सचिन या दोन भावंडावर बालपणीच आईचे छत्र गेल्याचे दुःख ओढावले. या अत्यंत कठीण प्रसंगातून कुठेतरी ते पुन्हा जगण्याचा मार्ग शोधत असताना एक ऑगस्ट रोजी वडिलांचासुद्धा आजाराने दुर्दैवी मृत्यू झाल्याने आता दोन्ही भावंडं पोरकी झाली आहेत. 20 दिवसांच्या अंतराने आई-वडील या दोघांचाही मृत्यू झाला.एका आदर्श दाम्पत्याच्या अकाली जाण्याने संपूर्ण गाव दुःखाच्या खाईत लोटलं गेलं. एका हसत्या खेळत्या कुटुंबावर, ज्याचा उदरनिर्वाह मजुरी करून चालत होता त्यांच्यावर अवकळा पसरली.
Mumbai News: मी त्याला उडी घेताना पाहिलं… IIT मुंबई येथे विद्यार्थ्याने आयुष्य संपवलं, संपूर्ण कॅम्पसमध्ये खळबळ

पत्नीच्या निधनाचे दुःख झाल्याने व्यसनाच्या मार्गावर

रमेश उत्तम नाडे (वय वर्ष 38) व त्यांची पत्नी आशाबाई रमेश नाडे (वय वर्ष 33) हे दाम्पत्य रोज दैनंदिन मजुरी करून आपला संसाराचा गाडा मागील अनेक वर्षांपासून चालवत होते. त्यांना सागर व सचिन ही दोन मुले आहेत. सगळं सुरळीत चालत असताना अचानक त्यांच्या संसाराला नजर लागली. गेल्या सहा महिन्यांपासून त्यांची पत्नी आजारी होती. अनेक मोठ्या हॉस्पिटलमध्ये उपचार करून सुद्धा रमेश हे आपल्या पत्नीला वाचू शकले नाहीत. त्यामुळे पत्नीच्या निधनाचे दुःख झाल्याने ते व्यसनाच्या मार्गावर लागल्याचे सांगितले जाते. त्यामुळे त्यांची तब्येत खराब झाली.
Mumbai News : काका, जिथे कुठे असाल… मुंबईतील रस्त्यावर 20 वर्षीय विद्यार्थ्याला भेटला दुचाकीस्वार देवदूत, पुढे जे घडलं…

गावातील प्रत्येक घरामध्ये कुटुंबाची चर्चा

पुणे येथे उपचार घेण्याकरता प्रयत्न करण्यात आले. मात्र १ ऑगस्ट रोजी त्यांचा दुर्दैवी मृत्यू झाला. कमी वयात मृत्यू झाल्याने नाडे कुटुंब व इसरूळ गावातील लोक दुःखात बुडाले आहे. गावातील प्रत्येक घरामध्ये याच कुटुंबाची चर्चा आहे.