पोलीस तपासानुसार प्रेम प्रकरणातून सनी सुरेश जाधव या 19 वर्षे युवकाचा खून झाल्याची माहिती समोर आली आहे. एकाच मुलीवर दोघांच्या प्रेम प्रकरणातून सदर प्रकार घडल्याचे तपासात निष्पन्न झाले आहे. 1 ऑगस्टच्या सायंकाळी पाच वाजताच्या सुमारास शहरातील ड्रीम कॉस्मेटिक दुकानाच्या बाजूला एका इमारतीच्या ठिकाणी, सनी जाधववर देवराज माळी सह इतर चार ते पाच जणांनी चाकूने हल्ला चढवला. त्याचा निर्घृणपणे खून केला. या खून प्रकरणात देवराज संतोष माळी (राहणार भीलवाडा) याच्यासह इतर आरोपींना शहर पोलिसांनी काही तासांतच अटक केली.
Ratnagiri News: कामावेळी सतत फोनवर असतो, मामाने आरी उचलली अन्… रत्नागिरीत तरुणाला क्रूरपणे संपवलं
न्यायालयाने चारही आरोपींना 5 ऑगस्टपर्यंत पोलिस कोठडी सुनावली आहे. सनी जाधव खून प्रकरणात फक्त चार आरोपी नसून मारहाण करणाऱ्यांमध्ये आणखी नावे समाविष्ट होण्याची व आरोपींची संख्या वाढण्याची शक्यता आहे. शनिवारी 2 ऑगस्ट रोजी दुपारी तीन वाजताच्या सुमारास सनी जाधव याच्यावर शोकाकुल वातावरणात अंत्यसंस्कार करण्यात आले.
Solapur News: जेवत नाही, शाळेत जायला रडते; सावत्र आईने तीन वर्षांच्या कीर्तीला क्रूरपणे संपवलं, सोलापुरात हळहळ
ही कारवाई पोलिस अधीक्षक नीलेश तांबे, अपर पोलिस अधीक्षक अमोल गायकवाड, उपविभागीय पोलिस अधिकारी सुधीर पाटील यांच्या मार्गदर्शनाखाली पोनि. रवी राठोड, सपोनि भरत चापाईतकर, प्रताप भोस, जयसिंग राजपूत, डी. बी. प्रमुख पोउपनि रवी मोरे, हेड कॉन्सटेबल संदीप कायंदे, संतोष वाघ, मपोकॉ. सुनीता खंडारे, पोकॉ. युवराज शिंदे, मनोज सोनुने, विशाल बनकर, दीपक चव्हाण, तांत्रिक विश्लेषक हेड कॉन्सटेबल राजू आडवे, पोका कैलास ठोंबरे, ऋषिकेश खंडेराव, हेड कॉन्सटेबल पंजाबराव साखरे, सुनील जाधव यांनी सहभाग घेतला होता.