महाराष्ट्रातील सर्वाधिक चर्चेत राहिलेल्या आणि तब्बल २ दशकांपासून न्यायालयीन प्रक्रियेत असलेल्या पवनराजे निंबाळकर प्रकरणाचा निकाल लवकरच जाहीर होण्याची दाट शक्यता आहे. येत्या २० जूनला या प्रकरणी CBI न्यायालय निर्णय देणार आहे. तब्बल २० वर्षांच्या सुनावणीनंतर या बहुचर्चित प्रकरणावर अंतिम निर्णय येणार असल्याने संपूर्ण राज्याचे लक्ष या निकालाकडे लागले आहे. या प्रकरणी पवनराजे यांचे पुत्र आणि शिवसेना ठाकरे गटाचे खासदार ओमराजे निंबाळकर यांनीही न्याय मिळण्याची अपेक्षा व्यक्त केली आहे.