Gorewada Leopard Death: गोरेवाडा प्राणिसंग्रहालयाच्या इंडियन सफारीत एकून आठ बिबटे होते. त्यापैकी, तीन बिबटे मारले गेल्यानंतर आता तेथे एक नर आणि चार मादी असे पाच बिबट उरले आहेत.
गोरेवाडा प्राणिसंग्रहालयाचे कुंपण ओलांडून रविवारी दुपारी नर बिबट्या आत शिरला. बिबट सफारी परिसरातील पिंजऱ्यामध्ये ठेवलेल्या बिबट्यांशी त्याचा संघर्ष झाला. या संघर्षामध्ये बाहेरील बिबट्याने प्राणिसंग्रहालयाच्या एन्क्लोजरमधील तीन बिबट्यांना ठार केले. ठार झालेल्या बिबट्यांमध्ये सफारीमधील दोन नर आणि एका मादीचा समावेश आहे. हा संघर्ष झाल्याचे लक्षात येताच वनविभागाने शोधमोहीम सुरू केली. या शोधमोहिमेदरम्यान संघर्षात मृत्युमुखी पडलेल्या तीन बिबट्यांचे मृतदेह एकेक करून सापडत गेले.
Nagpur Crime: अंगावर तर्रीचे शिंतोडे उडाल्यानं डोक्यात सणक; तीन महिलांसह 7 जणांनी तरुणाला संपवलं, नागपुरात खळबळ
गोरेवाडा जंगलातील बिबट प्राणिसंग्रहालयात शिरल्याच्या घटना यापूर्वीदेखील घडल्या आहेत. मात्र, बाहेरील आणि आतील बिबट्यांच्या संघर्षात तीन बिबट्यांनी जीव गमावल्याची घटना पहिल्यांदाच घडली आहे. तिन्ही मृत बिबट्यांच्या पार्थिवावर राष्ट्रीय व्याघ्र संवर्धन प्राधिकरणाच्या नियमांनुसार अंत्यसंस्कार करण्यात आले.
डार्ट मारला, लावले पिंजरे
तीन बिबट्यांना मारणाऱ्या बाहेरच्या बिबट्याला पकडण्यासाठी गोरेवाडा प्राणिसंग्रहालय प्राधिकरणाने रविवारी दुपारपासून प्रयत्न सुरू केले. वन विभागाच्या कर्मचाऱ्यांनी बिबट्याला डार्ट मारून बेशुद्ध करण्याचा प्रयत्न केला. डार्ट लागल्यानंतर बिबट एका झुडपात जाऊन लपला. सुमारे अर्धा तासानंतर औषधाचा प्रभाव कमी झाल्यावर तो पुन्हा बाहेर आला. सायंकाळ ते सोमवारी पहाटेपर्यंत वन विभागाने या बिबट्याला पकडण्यासाठी प्रयत्न सुरूच ठेवले. या परिसरात बिबट्यासाठी पिंजरे लावण्यात आले. त्यानंतर, त्याला पिंजऱ्यांच्या दिशेने ढकलत ढकलत नेण्यात आले आणि पहाटे साडेपाच वाजताच्या सुमारास अखेर त्याला जेरबंद करण्यात आले. या बिबट्याला पकडल्याने इतर प्राण्यांवरील हल्ले रोखण्यात यश आल्याचे प्राणिसंग्रहालयाच्या अधिकाऱ्यांनी सांगितले.
Nagpur Crime: नागपुरात महिलेच्या जबरदस्ती धर्मांतराचा प्रयत्न; VIDEO व्हायरल करायची धमकी देऊन 3 लाख उकळले, वर्गमित्रासह दोघांना अटक
सोलर फेन्सिंगचे भिजत घोंगडे
गोरेवाडा प्राणिसंग्रहालयाभोवती जंगल असून तेथे वन्य श्वापदे आहेत. आतील प्राणी बाहेर जाऊ नयेत म्हणून व्यवस्था करण्यात आली आहे. मात्र, बाहेरील प्राण्यांनी आत जाऊ नये म्हणून येथे पुरेसे सुरक्षित कुंपण घालण्यात आलेले नाही. प्राणिसंग्रहालयाभोवती सौर कुंपण घालण्याचा प्रस्ताव काही वर्षांपूर्वी मांडण्यात आला होता. प्राणिसंग्रहालय प्रशासनाने हा प्रस्ताव राज्य शासनाकडे पाठविला आहे. मात्र, अनेक वर्षांपासून हा प्रस्ताव राज्य शासनाच्या स्तरावर अडगळीत पडून आहे. त्यामुळे, आजवर प्राणिसंग्रहालयाभोवती सौर कुंपण घातले गेले नाही. प्राणिसंग्रहालयात झालेल्या या घटनेनंतर सौर कुंपणाकडे झालेल्या दुर्लक्षाचा मुद्दा पुन्हा चर्चेत आला आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा