युगेंद्र पवार हे पवार कुटुंबातील युवा चेहरा म्हणून ओळखले जातात. महाराष्ट्र विधानसभा निवडणूक २०२४ मध्ये उपमुख्यमंत्री अजित पवार यांच्या विरोधात बारामती मतदारसंघातून निवडणूक लढवली होती. याशिवाय, २०२४ च्या लोकसभा निवडणुकीत त्यांनी काकी सुनेत्रा पवार यांच्या विरोधात प्रचार करून राजकीय वर्तुळात चर्चा निर्माण केली होती. युगेंद्र यांच्या या राजकीय सक्रियतेमुळे त्यांच्या साखर पुड्याच्या सोहळ्याकडे सर्वांचे लक्ष लागले आहे.
Pune Rave Party Case : पतीच्या अटकेनंतर पहिल्यांदाच शरद पवारांची भेट, रोहिणी खडसेंच्या चेहऱ्यावर आत्मविश्वास, म्हणतात, प्रांजलना…
पवार कुटुंबात अनेक वर्षांनंतर असा सलग दुसरा साखरपुडा सोहळा होत आहे. यापूर्वी जय पवार यांचा साखरपुडा संपन्न झाला तेव्हा संपूर्ण कुटुंब एकत्र आले होते. आजचा सोहळा देखील पवार कुटुंबाला एकत्र आणणारा ठरणार आहे. प्रभादेवी येथील इंडिया बुल्स बिल्डिंग हे तनिष्का कुलकर्णी यांचे निवासस्थान असून, या ठिकाणी हा समारंभ साजरा होणार आहे. पवार कुटुंबातील हा आनंदाचा क्षण त्यांच्या समर्थकांसाठीही उत्साहवर्धक आहे, कारण यामुळे कुटुंबातील एकता आणि बंध पुन्हा एकदा अधोरेखित होणार आहे.