काळेपडळ पोलिस ठाण्याचे वरिष्ठ निरीक्षक मानसिंग पाटील यांनी दिलेल्या माहितीनुसार, शनिवारी पहाटे पोलिस नियंत्रण कक्षाला फोन आला, ‘चार इसम दुचाकीवरून आले आणि त्यांनी दुकानातून बेडशीट व गादी दिली नाही या कारणावरून रविकुमार यादव याला डोक्यात लोखंडी पहार मारून गंभीर जखमी करून पळून गेले,’ असे फोनवरील व्यक्तीने सांगितले. घटनेची माहिती मिळताच पोलिसांनी जखमीला तत्काळ रुग्णालयात दाखल केले. मात्र, त्याचा मृत्यू झाल्याचे डॉक्टरांनी घोषित केले.
Pune Crime : महिलेला फसवत शरीर संबंध, २०२३ला एक खून, पोलिसांचा 3 रात्र पार्किंगमध्ये सापळा, पहाटे… पुणे पोलिसांची कौतुकास्पद कामगिरी
दरम्यान, फोन केलेल्या मयताच्या मित्राच्या बोलण्यात विसंगतीने आल्याने व घटनास्थळी सीसीटीव्ही फुटेजची पाहणी केली असता, दुचाकी दिसून आली नाही. त्यामुळे मित्रावर संशयाची सुई येत होती. फोन करणारा मित्र आणि मयत रविकुमारबाबत चौकशी केली असता, दोघांमध्ये नेहमी भांडणे होत असल्याची माहिती मिळाली. त्यामुळे किसनला पोलिसी खाक्या दाखवताच त्याने खुनाची कबुली दिली.
Pune Yavat Mob Violence : यवत हिंसाचार प्रकरणी मोठी बातमी, 17 आरोपींची पोलीस कोठडीत रवानगी
शुक्रवारी रात्री रविशंकर दारू पीत असताना शिविगाळ करित भांडणे केली. त्यामुळे रविशंकरचा राग आल्याने तो झोपल्यानंतर झोपेतच त्याच्या डोक्यात लोखंडी पहार मारल्याची कबुली किसनने दिली. तक्रारदार मित्रच आरोपी झाल्याने काळेपडळ पोलिस ठाण्यात खुनाचा गुन्हा दाखल करण्यात आला आहे.