नेमकं काय घडलं?

अर्धापूर तालुक्यातील पिंपळगाव महादेव परिसरात हॉटेल स्वराज फॅमिली रेस्टॉरंट आणि लॉज आहे. आशिष भाऊसाहेब शिंदे हे शिक्षक त्या लॉजवर मुक्कामास होते. शनिवारी सकाळी शिंदे आपल्या रूममध्ये अत्यवस्थ अवस्थेत आढळून आले. सकाळपासून आशिष लॉजमधील रूमच्या बाहेर न आल्याने हॉटेल मालकाला संशय आला. वेटरने रूमचा दरवाजा खटखटावला, आवाज देखील लगावला, पण आतून कुठलाच प्रतिसाद मिळाला नाही. आतून बराच वेळ होऊनही उत्तर न आल्याने शिक्षकाच्या रूमचा दरवाजा तोडण्यात आला. आतील दृष्य पाहून सर्वांनाच मोठा धक्का बसला.
Pune Crime : साहेब, लवकर या! मित्राला स्वत: च संपवत पोलिसांना लावला फोन, पण बोलता-बोलता एक गोष्ट चुकला अन्… पुण्यातील हडपसरमध्ये खळबळ

दरवाजा तोडताच समोर धक्कादायक दृष्य

दरवाजा तोडताच आशिष शिंदे यांचा मृतदेह पंख्याला गळफास घेतलेल्या अवस्थेत आढळून आला. हॉटेलच्या व्यवस्थापनाने तात्काळ अर्धापूर पोलिसांना माहिती दिली. त्यानंतर पोलिस निरीक्षक चंद्रशेखर कदम, जमादार भिमराव राठोड, राजेश गुट्टलवाड, अरूण पाटील यांनी घटनास्थळी धाव घेतली. पोलिसांनी शिक्षक आशिष‌ शिंदे यांना रुग्णवाहिकेने नांदेड येथील शासकीय रुग्णालयात दाखल केलं असता डॉक्टरांनी शिंदे यांना मृत घोषित केलं.

शवविच्छेदन करुन मृतदेह कुटुंबियांच्या ताब्यात

आशिष भाऊसाहेब शिंदे हे खाजगी संस्थेवर शिक्षक म्हणून कार्यरत होते. १ ऑगस्ट शुक्रवारी रोजी रात्री लॉजमध्ये मुक्कामी होते. शवविच्छेदन शासकीय रुग्नालयात दाखल करुन नातेवाईकांच्या ताब्यात देण्यात आला आहे. या प्रकरणी अर्धापूर पोलिसांनी आकस्मिक मृत्यूची नोंद केली असून शिक्षकाने आत्महत्येचं टोकाचं पाऊल का उचललं याचा तपास पोलीस करत आहेत. या घटनेने परिसरात खळबळ उडाली आहे.