Pune Crime News : पुण्यातून एक धक्कादायक घटना समोर आली आहे. २०१७ पासून फरार असलेल्या एका आरोपीला अटक करण्यात यश आलं आहे. पण पोलिसांनी त्याला कसा ट्रॅक केला? आणि सापळा रचत मुसक्या आवळल्या हे एकदा पाहाच.
विशाल लक्ष्मण भोले (वय ३२, रा. ताडीवाला रोड) असे अटक केलेल्या आरोपीचे नाव आहे. पोलिसांनी दिलेल्या माहितीनुसार, महिलेची फसवणूक करून तिच्याशी जबरदस्तीने शरीरसंबंध ठेवल्याच्या आरोपावरून भोलेवर २०१७मध्ये गुन्हा दाखल आहे. त्याने लग्न झाले नसल्याचे सांगून महिलेला फसवले होते. तिला जबरदस्तीने दोन वेळा गर्भपात करायला भाग पाडले. याबाबत बंडगार्डन पोलिस ठाण्यात गुन्हा दाखल आहे.
जिममध्ये भोवळ, पाणी पिताना कोसळला; पुण्यात तरुणाचा चटका लावणारा शेवट; CCTVत अखेरचे क्षण कैद
शिवाजीनगर पोलिस ठाण्याच्या हद्दीत मंगला थिएटरसमोर २०२३मध्ये झालेल्या खूनप्रकरणातही भोले हा मुख्य संशयित आरोपी आहे. गुन्हा घडल्यानंतर तो फरारी झाला होता. तेव्हापासून पोलिस त्याचा शोध घेत होते. पोलिसांनी दोन वर्षांपासून विविध ठिकाणी शोधमोहीम राबवली होती. मात्र, तो सापडला नव्हता.
Pune Yavat Mob Violence : यवत हिंसाचार प्रकरणी मोठी बातमी, 17 आरोपींची पोलीस कोठडीत रवानगी
उपायुक्त मिलिंद मोहिते आणि बंडगार्डन पोलिसांच्या तपास पथकाने वरिष्ठ निरीक्षक रवींद्र गायकवाड यांच्या मार्गदर्शनाखाली तपास पथकाने आरोपीला शुक्रवारी पहाटे अटक केली. उपनिरीक्षक स्वप्नील लोहार, पोलिस अंमलदार ज्ञानेश्वर बडे, मनोज भोकरे, मनीष संकपाळ, प्रदीप शितोळे, सारस साळवी, प्रकाश आव्हाड, महेश जाधव यांनी ही कामगिरी केली.
‘सीसीटीव्ही’ने पोहोचवले धायरीपर्यंत
आरोपी विशाल भोले ताडीवाला रस्ता परिसरात मित्राला भेटून गेल्याची माहिती पोलिस अंमलदार ज्ञाना बढे आणि मनोज भोकरे यांना मिळाली. माहितीची खातरजमा करण्यासाठी त्यांनी सीसीटीव्ही तपासले. त्यात संशयित आरोपी निळ्या मोपेडवरून जाताना दिसला. बढे, भोकरे आणि मनीष संकपाळ यांनी ताडीवाला रस्त्यापासून माग काढला. धायरीतील धायरेश्वर मंदिरापासून काही अंतरापर्यंत आरोपी सीसीटीव्हीमध्ये दिसत होता. मात्र, त्यानंतर सीसीटीव्हीची साखळी तुटली. त्यात आरोपी दिसेनासा झाला.
Maval News: मावळातील किल्ल्यावर मित्रांसोबत पर्यटनासाठी गेला, निसरड्या खडकावरुन पडला, तरुणाचा दुर्दैवी अंत
सोसायटीत दिसली मोपेड
संबंधित रस्त्यावर पुढे २० ते २५ सोसायट्या होत्या. आरोपी याच सोसायटीत कोठे तरी राहत असावा, अशा संशय पोलिसांना आला. त्यामुळे त्यांनी या सोसायट्यांच्या पार्किंगमध्ये आरोपीची निळ्या रंगाची मोपेड दिसते का, हे पाहण्याचा निर्णय घेतला. त्यानुसार २९ जुलैला मध्यरात्रीनंतर त्यांनी सोसायट्यांच्या पार्किंगमध्ये गाडी शोधण्यास सुरुवात केली. ३१ जुलैला मध्यरात्री एका सोसायटीच्या पार्किंगमध्ये संशयित निळी मोपेड दिसली. पोलिसांनी तेथे सापळा लावला. आरोपीला व्यायामाची आवड होती. तो पहाटेच व्यायामासाठी बाहेर पडायचा. त्यानुसार पहाटे साडेचार वाजता तो बाहेर आला असता, पोलिसांनी त्याला पकडले.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाईनमध्ये डिजिटल कंटेंट प्रोड्युसर म्हणून कार्यरत आहेत. 2020 पासून पत्रकारितेच्या क्षेत्रात आहेत. राजकीय, स्पोर्ट्स, आणि क्राईम या विषयांच्या बातम्यांमध्ये विशेष आवड. पुण्यातील आबासाहेब गरवारे महाविद्यालयात पत्रकारितेमध्ये आपली पदवीचे शिक्षण पूर्ण केले. त्यानंतर थोडक्यात, झी २४ तास, टीव्ही९ मराठी या माध्यमांमध्येही ऑनलाईन टीममध्ये काम केले आहे.… आणखी वाचा