कोकणात धामधूमीत गणेशोत्सव साजरा केला जातो. उत्सवाच्या एक ते दोन दिवस आधीच महामुंबईत राहणारा कोकणवासी गावाकडे रवाना होतो. यामुळे उत्सवकाळात मुंबई-गोवा रस्त्यासह रेल्वेतही मोठी गर्दी उसळते. गर्दी विभागण्यासाठी मध्य रेल्वे, पश्चिम रेल्वे, एसटी महामंडळ अशा सरकारी यंत्रणांकडून विशेष वाहतूकीची व्यवस्था केली जाते.
मुंबई पोलिसांची मोठी कामगिरी! पवईत तब्बल 44 कोटींचे MD हस्तगत, रंगांआड सुरु होती ड्रग्ज तस्करी
प्रादेशिक खाद्यसंस्कृतीला वाव देण्यासह सर्वसामान्यांचा प्रवासाचा आनंद द्विगुणित करण्यासाठी गाडी क्रमांक २२२२९/३० छत्रपती शिवाजी महाराज टर्मिनस-मडगाव-सीएसएमटी वंदे भारत आणि गाडी क्रमांक २२११९/२० सीएसएमटी-मडगाव-सीएसएमटी तेजस एक्स्प्रेसमध्ये प्रवाशांना मोदकांचे वाटप करण्याचे नियोजन आहे. गणेश चतुर्थीच्या मुहूर्तावर, अर्थात बुधवार, २७ ऑगस्ट ते शनिवार, ६ सप्टेंबर अनंत चतुर्दशी या दरम्यान धावणाऱ्या रेल्वेगाडीत हे वाटप करण्यात येईल, असे आयआरसीटीसीच्या पश्चिम विभागाचे समूह महाव्यवस्थापक गौरव झा यांनी सांगितले.
Mumbai Rain: मुंबईत पावसाची तूट! जून, जुलै महिन्यात यावर्षी केवळ ९७३ मिलीमीटर ‘वर्षा’व
‘जनता खाना’बाबत सूचना
गर्दीच्या हंगामात रेल्वे स्थानकांवर प्रवाशांच्या सुविधेसाठी ‘जनता खाना’ अर्थात २० रुपयांत पुरी-भाजी देण्यात येते. अद्याप याबाबतच्या सूचना रेल्वे मंडळाकडून प्राप्त झालेल्या नाहीत. मात्र उत्सवकाळात प्रवासी गर्दी लक्षात घेता प्रवाशांच्या मागणीचा विचार करता त्याची तयारी करण्यात आली आहे. मुंबईतील सीएसएमटी, लोकमान्य टिळक टर्मिनस, दादर, ठाणे, बोरिवली, वांद्रे अशा मोठ्या रेल्वे स्थानकांसाठी आयआरसीटीसीच्या व्हेंडरला सूचना देण्यात आलेल्या आहेत. उत्सवकाळात मध्य आणि पश्चिम रेल्वेच्या नियमित तसेच विशेष रेल्वेगाड्यांमध्ये आवश्यक ती खबरदारी घेण्याची सूचना आयआरसीटीसीने सर्व व्हेंडरला दिल्या आहेत.