कल्याणी समूहातील ‘कल्याणी टेक्नोफोर्ज लिमिटेड’ (केटीएफएल) कंपनीचे वरिष्ठ लेखापाल नीलेश अशोक गायकवाड, वय 32 वर्ष, रा. कोंढवा, यांनी 20 ऑगस्ट 2017 रोजी चाकण येथील एका हॉटेलमध्ये आत्महत्या केली. तत्पूर्वी त्यांनी लिहिलेल्या चिठ्ठीत अमित कल्याणी यांच्यावर गंभीर आरोप केले होते. या घटनेनंतर गायकवाड यांच्या भावाने चाकण पोलिस ठाण्यात तक्रार केली होती.

या प्रकरणाचा तपास आर्थिक गुन्हे शाखेकडे वर्ग करण्यात आला. या प्रकरणी चौकशीअंती ठोस पुरावे न मिळाल्याचे सांगत आर्थिक गुन्हे शाखेने ‘क्लोजर रिपोर्ट’ प्रथमवर्ग न्यायदंडाधिकारी न्यायालयात सादर केला. न्यायालयाने 13 डिसेंबर 2023 रोजी हा अहवाल स्वीकारला होता. त्यानंतर गायकवाड यांच्या पत्नी व भावाने अतिरिक्त सत्र न्यायालयात फेरविचार याचिका दाखल केली होती.
Pune Crime : पुण्यात 100 स्पा सेंटरआडून देहविक्री; धनराज, प्रिया, अनुजच्या मुसक्या आवळणार, पोलीस आयुक्तांनी बक्षीस लावलं

खेड-राजगुरुनगर अतिरिक्त सत्र न्यायालयाच्या आदेशाविरोधात अमित कल्याणी यांनी मुंबई उच्च न्यायालयात आव्हान याचिका दाखल केली आहे, असे त्यांच्या वकिलांनी सांगितले. ग्रामीण पोलिसांच्या आर्थिक गुन्हे शाखेने या प्रकरणाची चौकशी करून ‘एफआयआर’ खोटा असल्याचा निष्कर्ष काढला आहे. त्यांचा ‘क्लोजर रिपोर्ट’ही प्रथमवर्ग न्यायदंडाधिकारी न्यायालयाने स्वीकारला असून, या प्रकरणी आत्महत्येस प्रवृत्त केल्याचा गुन्हा घडला नसल्याचे म्हटले आहे.
Pune Crime : मी एकुलता एक, आईच्या मणक्याच्या ऑपरेशनसाठी बेल द्या, विशाल अगरवालचा अर्ज, कोर्ट म्हणालं, तात्पुरत्या जामिनावर…
‘या आदेशाला सत्र न्यायालयाने स्थगिती देऊन आमची बाजू ऐकून न घेता काही मुद्द्यांवर चौकशीचे निर्देश दिले आहेत. अमित कल्याणी यांना त्रास देऊन त्यांची प्रतिमा मलीन करण्याचा याचिकाकर्त्यांचा प्रयत्न आहे. वास्तविक या लेखापालाने लॉटरी व सट्टेबाजीसाठी कल्याणी समूहाच्या कंपनीतून आठ कोटींची रक्कम वैयक्तिक खात्यात वर्ग केली असून, याबाबत मुंढवा पोलिसांनी लष्कर न्यायालयात आरोपपत्रही दाखल केले आहे,’ असे अमित कल्याणी यांच्या वकिलांनी सांगितले.