सध्या काही चित्रिकरण स्थळे शोधण्यात आली असून आगामी काळात त्यात आणखी भर पडेल, असेही त्यांनी स्पष्ट केले. मुंबई महापालिकेचा व्यवसाय विकास विभाग आणि मुंबई युनेस्को क्रिएटीव्ह सिटी ऑफ फिल्म्स यांच्या संयुक्त विद्यमाने ‘मुंबईतील चित्रपट क्षेत्राबाबत भागधारकांशी विचारविनिमय’ या विषयावर बुधवारी वांद्रे येथे विशेष परिसंवादाचे आयोजन करण्यात आले होते. या परिसंवादाच्या उद्घाटनप्रसंगी गगराणी बोलत होते.
एकनाथ शिंदे दिल्लीला रवाना, महायुतीत काहीतरी मोठं घडतंय का?
जगातील अनेक शहरांमध्ये मनोरंजन क्षेत्राचे प्रशासन स्थानिक संस्थेच्या अखत्यारित आहे. सेवासुविधांच्या अनुषंगाने मुंबई महापालिका मनोरंजन क्षेत्रासोबत कार्यरत आहे. हे क्षेत्र अधिक गौरवशाली व्हावे, यासाठी मुंबईला जागतिक सांस्कृतिक ठिकाण म्हणून पुढे आणण्यासाठी महापालिका प्रयत्न करत आहे, असे गगराणी म्हणाले.

मनोरंजन क्षेत्राला असलेल्या अपेक्षांबाबत किंवा त्यांच्या समस्यांच्या निराकरणासाठी महापालिका नक्कीच कार्य करेल, अशी ग्वाही महापालिकेचे अतिरिक्त आयुक्त (पूर्व उपनगरे) अमित सैनी यांनीही यावेळी दिली. मुंबईतील विविध ठिकाणी चित्रिकरणासाठी आवश्यक परवानगी आणखी सुलभतेने देणे, महापालिकेने सध्या निश्चित केलेल्या चित्रिकरणाच्या ठिकाणी मूलभूत सुविधा पुरविणे, चित्रिकरणाच्या अनुषंगाने पोलिस, महाराष्ट्र सागरी मंडळ आणि अन्य यंत्रणांचे मिळून स्वतंत्र कक्ष सुरू करणे आदींबाबत संबंधितांशी चर्चा करून निर्णय घेता येईल, असेही सैनी यांनी स्पष्ट केले.

दादासाहेब फाळके चित्रनगरीचे सह व्यवस्थापकीय संचालक प्रशांत साजणीकर, व्हिसलिंग वूड इंटरनॅशनलचे उपाध्यक्ष चैतन्य चिंचीलकर, अभिनेता शिवराज वायचळ, मोशन पिक्चर्स असोसिएशनच्या वरिष्ठ संचालक लोहिता सुजीत आदींनी या परिसंवादात भाग घेऊन भूमिका मांडली. मुंबईत चित्रिकरणासाठी परवानगीची प्रक्रिया सुलभ करणे, योग्य शुल्क आकारणी करणे, विविध यंत्रणांचे एकिकृत मंच तयार करून चित्रिकरणासंबंधित बाबींमध्ये सुसूत्रता आणणे आदी विषयांवर यावेळी चर्चा झाली.