वृत्तानुसार, परभणी जिल्ह्याचे ग्रामीण जिल्ह्याध्यक्ष संतोष मुरकुटे यांच्या नावावर एको फोर्ड एंडीवर ही गाडी आहे. मंगळवारी सकाळी आदित्यनाथ शिंदे (वय २६) हा कारचालक मद्यधुंद अवस्थेत गाडी सर्व्हिसिंगसाठी घेऊन जात होता. यशवंत महाविद्यालय ते भाग्यनगर कॉर्नर रोड मार्गे भरधाव वेगात त्याने गाडी नेली. सुरुवातीला त्याने बुलेटला उडवले, यामध्ये आदित्य भालेराव या तरुणाला हाताला मार लागला. त्यानंतर अन्य एक दुचाकी, एक कार आणि दोन ऑटो रिक्षाला देखील त्याने उडवले. वाहनांना धडक दिल्यानंतर गाडी डिव्हायडरला जाऊन धडकली. वाहनचालक हा मद्यधुंद अवस्थेत होता, असे प्रत्यक्षदर्शनीने सांगितले आहे.
Deoghar Accident : भाविकांनी भरलेल्या बसला ट्रकची जोरदार धडक , आतापर्यंत 18 जणांचा मृत्यू, मृतांचा आकडा वाढण्याची शक्यता
या थरारक अपघातात वाहनांचे मोठे नुकसान झाले आहे. घटनेनंतर तेथे उपस्थित लोक संतापले होते. त्यांनी चालकाला त्याला पकडून चांगलाच चोप दिला आणि नंतर पोलिसांच्या स्वाधीन केले आहे. घटनेनंतर वाहतूक काही वेळासाठी ठप्प झाली होती.

भाग्यनगर पोलिसांनी कार चालकाला ताब्यात घेतले आहे. भाग्यनगर हा वर्दळीचा मुख्य मार्ग आहे. या मार्गावर खाजगी शिकवणी केंद्र मोठ्या प्रमाणावर आहेत. विद्यार्थ्यांची नेहमी गर्दी राहते. सुदैवाने मोठी घटना टळली आहे.