ऑनलाइन गेम खेळण्यासाठी पैशांची मागणी

मिळालेल्या माहितीनुसार, इमरान खुसरू हा बत्तीस वर्षाचा तरुण मुलगा त्याचे वडील अमीर खुसरो (वय 65) आणि वडिलांची पहिली पत्नी असे कुटुंब वसई पूर्वेच्या गोखिवरे येथे वास्तव्यास आहेत. मुलगा इमरान खुसरु याला ऑनलाईन मोबाईल गेम खेळण्याचा नाद आहे. इमरान याची सावत्र आई अर्शिया खुसरो वसईतील बाभोळा परिसरातील पेरियार अपार्टमेंट इमारतीत एकटीच राहत होती. इमरान याला ऑनलाइन व्हीआरपीओ नावाचा गेम खेळण्यासाठी 1 लाख 80 हजार रुपयांची गरज होती. गेम खेळण्यासाठी पैसे देण्याची मागणी त्याने सावत्र आई अर्शिया खुसरो यांच्या घरी जाऊन केली. मात्र सावत्र आईने पैसे देण्यास नकार दिला.
Pune Crime : पुण्यात 23 वर्षीय आयटी इंजिनिअरने आयुष्य संपवलं, वेदनादायी अंत; शेवटच्या चिठ्ठीत म्हणाला माझ्या मृत्यूस…

हत्या केल्याची संपूर्ण घटना वडिलांना सांगितली

यामुळे रागवलेल्या इमरानने सावत्र आई अर्शिया खुसरू यांचे डोके भिंतीवर आपटले. त्यानंतर तोंडावर लाथाबुक्याने मारहाण करत तीची हत्या केली. शनिवारी (26 जुलै) ही घटना घडली. त्यानंतर सावत्र आईच्या घरातील बेडरूममध्ये कपाटात ठेवलेल्या दोन सोन्याच्या बांगड्या, एक सोन्याची चैन असा ऐवज देखील चोरी केला. त्यानंतर इमरान खुसरू याने सावत्र आईची हत्या केल्याची संपूर्ण घटना आपल्या वडिलांना सांगितली.

नैसर्गिक मृत्यू झाल्याचे मृत्यूपत्र तयार केले

आपल्या मुलाला वाचवण्यासाठी वडिल अमीर खुसरो यांनी मुलगा इमरान खुसरूच्या मदतीने अर्शिया खुसरू यांच्या मृतदेहाची विल्हेवाट लावण्यासाठी व पुरावे नष्ट करण्यासाठी अर्शिया यांच्या घरात घटनास्थळी सांडलेले रक्त पुसून, पुरावा नष्ट करण्याचा देखील प्रयत्न केला. एका परिचित डॉक्टरकडून अर्शिया खुसरू यांचे नैसर्गिक मृत्यू झाल्याचे मृत्यूपत्र तयार केले. त्यानंतर शनिवारी सायंकाळीच धार्मिक विधी रितीरिवाज पार पाडून अर्शिया खुसरू यांचा दफनविधी केला.
Kolhapur News : पतीपासून सोडचिठ्ठी मिळावी, कोल्हापुरातील स्मशानात महिलेची अघोरी पूजा, तिघांची वाट लागू दे, कागदावर ‘लाल’ नावं

मोलकरणीने तक्रार केली

अर्शिया यांच्या घरी दररोज घर कामाला येणारी महिला रविवारी सकाळी त्यांच्या घरी आली. यावेळी तिला घरात रक्ताचे डाग दिसले. त्यानंतर याबाबतची माहिती सादर महिलेने वसई पोलिसांना दिली. वसई गुन्हे शाखा कक्ष- 2 पोलिसांनी या प्रकरणाचा तपास केला असता चौकशीअंती आरोपी मुलगा इमरान खुसरू याने त्याची सावत्र आई अर्शिया खुसरो यांची हत्या केल्याचे निष्पन्न झाले. इमरानचे वडील अमीर खुसरु यानी मृतदेहाची विल्हेवाट व पुरावा नष्ट नष्ट करण्याचा प्रयत्न केल्याचे देखील उघड झाले आहे. पोलिसांनी याप्रकरणी दोनही इमरान खुसरु आणि अमीर खुसरो या दोनही आरोपींना अटक केली आहे. त्यांच्याविरोधात वसई पोलीस ठाण्यात भारतीय न्यायसंहिता 2023 च्या कलम 103 (1), 238, 239, 303 (2), 61(2), 3 (5)अन्वये गुन्हा दाखल करण्यात आला आहे.