आमदार अशोक पाटलांची एन्ट्री होताच कदमांनी एबी फॉर्मचा किस्सा सांगितला
रामदास कदम यांचे भाषण सुरू असताना आमदार अशोक पाटील यांची एन्ट्री झाली त्यांचा उल्लेख रामदास कदम यांनी आपले आमदार आलेत असं म्हणून त्यांचे स्वागत केलं आमचे मुलुंडचे आमदार अशोक पाटील कोळी समाजाचा हा आमचा एक आमदार होता. पण मागच्या वेळेला यांच्या हातात दिलेले काय दिलं होतं तुमच्या हातात असंच थेट अशोक पाटील यांना विचारत पाटील म्हणाले एबी फॉर्म…, तुमच्या हातात एबी फॉर्म दिला आणि फोन आला एवढे तिकडून मिळाले एवढे आले काढून घेतला एबी फॉर्म यांचा, खरं की खोटं सांगा.. अहो तुमच्या एबी फॉर्म चा सौदा झाला की नाही येस ऑर नो असं रामदासभाईंनी थेट व्यासपीठावरून विचारताच अशोक पाटील क्षणार्धात म्हणाले हो झाला सौदा असं म्हणाले. नक्की ना असं विचारत थेट व्यासपीठावरूनच हा विषय उपस्थितांसमोरच अशोक पाटील यांना विचारून कदम पुढे म्हणाले की हे वास्तव आहे हे मातोश्रीच वास्तव आहे हे सांगतील अशोक पाटील साहेब याची नोंद सगळ्यांनी घ्या असा आखो देखा हाल असलेला किस्सा सांगत कदम यांनी थेट उद्धव ठाकरे यांच्यावर निशाणा साधला.

उद्धव ठाकरे व अनिल परबांचं षडयंत्र
याच उद्धव ठाकरेंनी अनिल परब यांच्या खांद्यावर बंदूक ठेवत खोटे- नाटे आरोप करण्याचे काम सुरू केला आहे संजय कदम आता पुन्हा स्वगृही आपल्याबरोबर आले आहेत तो माझा भाऊ आहे तो अजिबात चुकला नाही पण तो राष्ट्रवादीचा असताना योगेश कदम शिवसेनेचा आमदार असताना मागील निवडणुकीत यास उद्धव ठाकरे यांच्या बेडकाने एबी फॉर्म हे संजय कदम यांच्या हातात दिले तेव्हापासूनच उद्धव ठाकरे याने योगेश कदम याला राजकीय दृष्ट्या संपवण्याचा घाट घातला आहे असा आरोप रामदास कदम यांनी केला.