Yavatmal Crime News : यवतमाळमध्ये एका विधवा महिलेला तिच्या सासरच्या लोकांनी विकल्याचा धक्कादायक प्रकार उघडकीस आला आहे. महिलेला गुजरातमधील एका व्यक्तीला विकण्यात आले. त्या व्यक्तीने महिलेचे शारीरिक आणि मानसिक शोषण केले. महिलेला मूल झाल्यानंतर तिला गावी सोडण्यात आले. पोलिसांनी या प्रकरणी गुन्हा दाखल करून तपास सुरू केला आहे.
महिलेचा मध्य प्रदेशमध्ये व्यवहार
आर्णी पोलीस स्टेशन हद्दीतील एका महिलेच्या पती आणि एका मुलाचा अकस्मात मृत्यू झाला होता. परिस्थिती हलाकीची असल्यामुळे दुसरा मुलगा आणि मुलीसह ती सासरी राहत होती. या निराधार महिलेच्या अवस्थेचा गैरफायदा घेऊन तिला रोजगार मिळवून देतो, असं सांगून तिची नणंद आणि नणंदेच्या नवऱ्याने तिला मध्य प्रदेशात नेलं. तिथं त्यांनी विधवा महिलेला १ लाख २० हजार रुपयांत गुजरात मधल्या एका व्यक्तीला विकलं. त्या व्यक्तीनं विधवा महिलेचं तब्बल दोन वर्ष शारीरिक आणि मानसिक शोषण केलं. पुत्रप्राप्तीनंतर त्याने या महिलेला गावात सोडलं.
भिख्खू, तरुणी अन् 104 कोटींचं ब्लॅकमेलिंग रॅकेट, सूत्रधार एकटी महिला; हजारो अश्लील व्हिडीओ जप्त
सासरच्यांविरोधात गुन्हा दाखल
आर्णी पोलिसांत बेपत्ता लोकांसाठी सुरू केलेल्या शोध मोहिमेतून हा धक्कादायक प्रकार उघड झाला. या महिलेचा एक मुलगा आणि मुलीचा अद्याप पत्ता लागलेला नाही. त्यांना शोधून द्यावं, अशी मागणी महिलेने केली आहे. 2023 मध्ये मुलगी आणि नातवंडं बेपत्ता आहेत, अशी तक्रार पीडित महिलेच्या आई-वडिलांनी पोलिसांत केली होती. आर्णी पोलीस बेपत्ता महिलेचा शोध घेत असताना त्यांना ही महिला गावीच असल्याची माहिती मिळाली. त्यावरून पोलिसांनी महिलेकडे चौकशी केली असता हा धक्कादायक प्रकार पुढे आला. याप्रकरणी पोलिसांनी तिची सासू, सासरे, दीर, नणंद आणि तिचा नवरा यांच्याविरुद्ध गुन्हा दाखल केला आहे.
Ratnagiri News : नोकरीसाठी मुंबईत आली, पण नियतीने घात केला; रत्नागिरीच्या लेकीचा घाटकोपरमध्ये मृत्यू; कुटुंबियांचा आक्रोश
कडक उपाययोजना करण्याची नागरिकांची मागणी
महिला आणि मुलींच्या असहायतेचा आणि अज्ञानाचा गैरफायदा घेऊन त्यांची विक्री करण्याचे अनेक प्रकार यवतमाळ जिल्ह्यात घडल्याची चर्चा आहे. याप्रकरणी कडक उपाययोजना आखण्याची गरज नागरिकांनी व्यक्त केली आहे.
Pune crime news | कोंढवा परिसरात धक्कादायक घटना; डिलिव्हरी बॉयकडून दिवसाढवळ्या तरुणीवर अत्याचार
पोलिसांकडून प्रकरणाचा तपास सुरू
2023 ला दीर, सासू, सासरा आणि मध्य प्रदेशमध्ये राहणाऱ्या नणंद, नंदोई यांनी संगममताने गुजरातमधील एका व्यक्तीला विधवा महिलेला विकलं. हा सौदा १ लाख २० हजार रुपयांत झाला होता. त्यापैकी ८० हजार रुपये पीडित महिलेच्या समोर नणंद आणि नंदोई यांना देण्यात आले. यानंतर दोन वर्षे गुजरातमधील व्यक्तीने तिचं शारीरिक शोषण केलं. यातून तिला मुल झालं. 2023 साली महिला बेपत्ता असल्याची नोंद आमच्या इथे झाली होती. या महिलेचा शोध घेत असताना या सर्व बाबी आमच्या लक्षात आल्या. महिलेच्या तक्रारीवरून विविध कलमांनुसार चार जणांविरोधात गुन्हा दाखल करुन त्यांना ताब्यात घेतलं आहे. याप्रकरणाचा उर्वरित तपास सुरू आहे, अशी माहिती पोलीस निरीक्षक निलेश सुरडकर यांनी दिली.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा