मृत दाम्पत्य पाटोदा तालुक्यातील भाटेवाडी येथील रहिवासी असून आज बाजाराचा दिवस असल्यामुळे ते बाजारासाठी निघाले होते. पती-पत्नी दुचाकीवरून जात असताना रुग्णालयासमोर अचानक आलेल्या बसने त्यांना जोरदार धडक दिली. बसचा क्रमांक MH- 14 X 7962 असा आहे. बाळू केशव वायकर आणि त्याची पत्नी लता बाळू वायकर हे धडकेनंतर रस्त्यावर दूर फेकले गेले आणि गंभीर दुखापतीमुळे जागीच त्यांचा मृत्यू झाला. सदरील बस ही नांदेड कडून पुण्याकडे जात असताना अपघात झाला. यात दोघेही जागेवर ठार झाले आहेत.
Nashik Accident: खड्ड्यामुळे गेला तरुणाचा जीव; पडलेल्या दुचाकीस्वाराला कंटेनरने चिरडले, नाशिकमधील घटना
पोलिसांना घटनेची माहिती मिळताच ते घटनास्थळी दाखल झाले. दाम्पत्याचे मृतदेह ताब्यत घेतले आणि पोस्टमॉर्टमसाठी रवाना केले. याप्रकरणी बस चालकाविरोधात गुन्हा दाखल करण्याची प्रक्रिया सुरु आहे.

अशाच एका दुर्दैवी घटनेची बातमी नवी मुंबईतून समोर आली आहे. महापे एमआयडीसी परिसरात एका हायड्रा चालकाने ट्रॅफिक कॉन्स्टेबलला चिरडले. या भीषण अपघातात पोलीस कॉन्स्टेबलचा जागीच दुर्दैवी मृत्यू झाला आहे. गणेश पाटील असं या अपघातात मृत्यू झालेल्या पोलिसाचं नाव आहे. मृत पोलीस कॉन्स्टेबल गणेश पाटील हे रस्त्याच्या कडेला कर्तव्यावर तैनात होते. रस्त्याच्या कडेला उभे असताना यादरम्यान हायड्रा चालकाने वाहन उजव्या बाजूला वळवले. त्यावेळी कॉन्स्टेबल गणेश पाटील हे या वाहनाखाली आल्याने चिरडले गेले.