19 वर्षीय तरुणाचा अल्पवयीन अल्पवयीन मुलीचा पाठलाग करत होता. डोंबिवली शहरात चार ते पाच महिन्यांपासून अल्पवयीन मुलीचा तो तरुण पाठलाग करत होता. रिलेशनशिप ठेवल्यासाठी तिला सांगत होता जर तसे केले नाहीतर स्वतःची नस कापुन आरोपीकडून ब्लॅकमेल केले. कॉलेज व इतर ठिकाणी जात असतांना पाठलाग करत होता. रिलेशनशिप ठेवण्याबाबत वारंवार बोलुन स्त्री मनास लज्जा उत्पन्न होईल असे कृत्य करुन विनयभंग करुन स्वताची नस कापून घेण्याची धमकी देत असे. या प्रकरणी टिळकनगर पोलिसांनी केला गुन्हा दाखल केला. आरोपीचे नाव स्वामी राठोड असे आहे. पोलिसांनी या आरोपीचा शोध घेत त्याला अटक केली आहे.

मंगळवारी कल्याणमध्ये क्लिनिकमध्ये एका परप्रांतिय तरुणाने महिला रिसेप्शनिस्टला मारहाण केली. नातेवाईंकासोबत आलेल्या या तरुणाने तरुणीवर लाथा बुक्क्याने मारहाण केली. या संबंधीचे सीसीटीव्ही फुटेज सर्वत्र प्रसारित झाल्यानंतर सर्वत्रच घटनेविरोधात संताप व्यक्त करण्यात आला. मनसे, शिवसेना ठाकरे गट, शिवसेना शिंदे गट, भाजप अशा सर्वच पक्षांनी आरोपीला अटक करुन कारवाई करण्याची मागणी केली. त्या आरोपीला काही तासानंतर पोलिसांनी अटक केली आहे. या प्रकरणी मनसे नेते अविनाश जाधव यांनी आक्रमक भूमिका घेतली. त्यांनी पीडित तरुणीची भेट घेतली आणि तिला रुग्णालयात दाखल होण्यास सांगितले. तरुण सापडल्यास त्या योग्य धडा शिकवू असे सांगितले.

या दोन्ही घटनांमुळे कल्याण डोंबिवली शहराची प्रतिमा डागाळली आहे. महिला सुरक्षिततेबाबत शहरवासियांच्या मनात प्रश्नचिन्ह उभे राहिले आहे. त्यामुळे महिलांविरोधात कृत्य करणाऱ्यांवर कठोर कारवाई करावी त्यामुळे असे कृत्य कोणी करणार नाही अशी भावना जनमानसात व्यक्त केली जात आहे.