नेमकं काय घडलं?

डॉक्टरांच्या केबिनमध्ये एमआर बसले होते. यामुळे रुग्णांना काही काळ आत न पाठवण्याची सूचना रिसेप्शनिस्ट तरुणीला देण्यात आली होती. यामुळेच आरोपी तरुणाला इतर रुग्णांप्रमाणेच तिने थोडा वेळ थांबण्यास सांगितले. मात्र, तरीही तो ऐकत नसल्याने या तरुणीने आरोपीस आत जाण्यापासून थांबविण्याचा प्रयत्न केला. यामुळे संतापलेल्या गोकुळने Kalyan Marathi Receptionist ला केसांना धरून बेदम मारहाण केली.

लूक बदलून गुंगारा

पोलिसांनी गोकुळ झा या आरोपीविरोधात गुन्हा दाखल केला. मात्र त्याला अटक झाली नव्हती. मंगळवारी रात्री गोकुळ झा याला अंबरनाथमधील नेवाळी नाका येथून पकडून मनसे पदाधिकारी यांनी मानपाडा पोलिसांच्या स्वाधीन केले. नांदिवली परिसरात अनेक जण ओळखत असल्यामुळे Gokul Jha ने लूक बदलून पोलिसांना गुंगारा देण्याचा प्रयत्न केला, मात्र मनसे पदाधिकाऱ्यांनी त्याची धरपकड करत पोलिसांकडे सोपवले. गोकुळसोबत त्याचा भाऊ रंजित झा यालाही पोलिसांनी बेड्या ठोकल्या आहेत.

कोण आहे गोकुळ झा?

गोकुळ झा हा सराईत गुन्हेगार असून तो 4 दिवसांपूर्वीच जामिनावर सुटून जेलबाहेर आल्याची माहिती आहे. त्यानंतर मंगळवारी रुग्णालयामध्ये त्याने तरुणीला मारहाण केली. त्याच्यावर याआधी हत्यार बाळगणे आणि मारहाण करणे यासारखे दोन गंभीर गुन्हे दाखल आहेत

तरुणीला पॅरलिसीस होण्याची भीती

गोकुळने तरुणीच्या मानेवर लाथ मारली होती. जर तिला फ्रॅक्चर किंवा क्रश इंज्युरी झाली, तर पॅरलिसीस होण्याची भीती डॉक्टरांनी वर्तवली आहे. तरुणीला मान हलवताना वेदना होत आहेत. तिचे पाय आणि छातीवरही मारल्याचे वळ उमटले आहेत.