हॉटेल 35 वर्षांपासून सुरू आहे योगेश कदमांचा तिथे काय संबंध?
योगेश कदमचे वय तेव्हा 3 वर्षे होतं आपण काय बोलतोय कुणाचा राजीनामा मागतोय काय आपल्या हातात आहे सगळे नियम बघ जरा, दादागिरीची भाषा कुणाकडे करतोस आमच्याकडे असल्या दादागिरीला मी भीक घालत नाही मला नियम सगळे चांगले माहिती आहेत तुझ्यात हिम्मत असेल तर राजीनामा घेऊन दाखव असं थेट चॅलेंज शिवसेनेचे नेते रामदास कदम यांनी उद्धव ठाकरे गटाचे नेते आमदार अनिल परब यांना दिल आहे. कदम मंगळवारी खेड येथे पत्रकारांजवळ बोलत होते.

अनिल परब हा अर्धवट वकील…
अनिल परब हा अर्धवट वकील आहे मी विधिमंडळात 32 वर्षे काम केले आणि म्हणून मी त्या अर्धवट वकिलाला सांगीन की जेव्हा एखाद्या मंत्र्यावरती आरोप करायचे असतील सभागृहामध्ये नियम 35 प्रमाणे नोटीस द्यावी लागते. आदल्या दिवशी त्याची कॉपी सभापतींना आदल्या दिवशी द्यावी लागते. आणि मग सभापतींची परवानगी घेऊन आरोप करावे लागतात मात्र या अर्धवट वकिलांनी तसे न करता योगेश कदम सभागृहात नसताना हे गपचूप आरोप केले. असे नियम तोडून जेव्हा आरोप केले जातात तेव्हा सदर बाब सभापती सभागृहाच्या पटलावर नियमाप्रमाणे ठेवत नाहीत हा विधिमंडळाचा नियम आहे. आता हे या अर्धवट वकिलाला माहिती नाही का ? सवाल रामदास कदम यांनी उपस्थित केला आहे. नियमबाह्य काम करुन हे आरोप करण्यात आले आहेत. अनिल परब यांच्यावर दोन दिवसात हक्कभंग येणार आहे. दोन दिवस सुट्टी असल्याने हक्कभंग टाकू शकलो नाही अशी माहितीही रामदास कदम यांनी दिली

तू आणि उद्धव ठाकरेंनी पाप केलं
डान्सबार चालवण्याचे धंदे आम्ही कधी केले नाहीत डान्सबार चालवून सर्वसामान्य माणसाचं जीवन उध्वस्त करण्याचे पाप आम्ही कधी केलं नाही. योगेश कदम यांना राजकारणातून उद्ध्वस्त करण्याचे पाप तू आणि उद्धव ठाकरे या दोघांनी दापोलीमध्ये केलं पण तुम्हाला अपयश आलं उद्धव ठाकरे तर अख्खा महाराष्ट्र घेऊन खेडमध्ये सभा घेण्यासाठी आले होते पण तिथे काही जमलं नाही. पण त्याच ठिकाणी आम्ही दहापट मोठी सभा घेऊन दाखवली. त्यामुळे आता विधान परिषद सभागृहात हा दिशाभूल करून खोटी माहिती देऊन तू कसला राजीनामा मागतोस? असा सवाल केला आहे