गोवंडीहून पर्यटनासाठी आले होते

मुंबई महानगर पालिका हद्दीत असणाऱ्या गोवंडी येथून पावसाळी पर्यटनासाठी बारा पर्यटक हे तीन प्रवासी रिक्षातून रायगडच्या खालापूर येथील लोधीवली येथे असणाऱ्या पाझर तलावावर आळले होते. शुक्रवार दिनांक 18 जुलै 2025 रोजी ते मौजमजा करण्यासाठी इतर पर्यटकांसोबत आले होते. मौज मजा करीत असताना सायंकाळी चार वाजण्याचा सुमारास गोवंडी येथून आलेल्या बारा पर्यटकांपैकी 47 वर्षीय सुनील मोरे यांना पाण्याचा अंदाज आला नाही आणि त्यांचा तलावात बुडून मृत्यू झाल्याची घटना घडली आहे. UP News: त्यांनीही ते भोगावं जे मी भोगलं; डोळ्यात पाणी आणणारे अखेरचे शब्द, ज्योतीची वेदनादायी कहाणी
सदर घटनेची माहिती खालापूर पोलीस ठाण्याचे प्रभारी विशाल पवार यांना समजताच त्यांनी तातडीने आपले सहकारी यांना सोबत घेत लोधीवली पाझर तलाव गाठले. तसेच, हेल्प फाऊंडेशन पथक यांना देखील पाचारण करण्यात आले. काही मिनिटातच ते घटनास्थळी दाखल झाले. हेल्प फाऊंडेशनची टीम घटनास्थळी दाखल झाल्यावर त्यांनी पाण्यात उतरून सुनील मोरे यांना शोधण्याचा प्रयत्न केला. दोन तासांच्या अथक प्रयत्नाने अखेर सुनील मोरे हे सापडले पण तोपर्यंत त्यांचा मृत्यू झालेला होता. त्यानंतर पोलिसांनी मृतदेह ताब्यात घेत वैद्यकीय तपासणीसाठी चौक ग्रामीण रुग्णालयात पाठवण्यात आले. या घटनेबाबत पोलीस ठाण्यात आकस्मित मृत्युची नोंद करण्यात आली आहे.याबाबत चौक पोलीस दूर क्षेत्र येथे आकस्मित मृत्यू क्रमांक 34/2025 नुसार गुन्हा दाखल करण्यात आला असून, वरिष्ठ पोलीस निरीक्षक सचिन पवार यांच्या मार्गदर्शनाखाली चौक दूर क्षेत्र प्रभारी विशाल पवार पुढील तपास करीत आहेत. या घटनेने मोरे यांच्या कुटुंबाला धक्का बसला आहे.