कृष्णकुमार जुगराज यादव (20, मूळ रा. मध्यप्रदेश, सध्या रा. वरेरी कुळये सडेवाडीनजीक चिरेखाण) असं मृत्यू झालेल्या युवकाचे नाव आहे. संशयित रितीक दिनेश यादव (20, मूल रा. मध्यप्रदेश, सध्या रा. वरेरी कुळये सडेवाडीनजीक चिरेखाण) याला पोलिसांनी अटक केली आहे. चिरेखाणीवर असलेले मुकादम विजय अण्णापा शेंडगे यांच्या सतर्कतेमुळे हा सगळा धक्कादायक प्रकार समोर आला. यातील मृत्यू झालेला युवक व संशयित आरोपी हे दोघे चुलत भाऊ असून चार ते पाच दिवसांपूर्वीच ते येथे काम करण्याकरत मध्यप्रदेशातून आले होते.

याबाबत देवगड पोलिसांकडून मिळालेल्या माहितीनुसार, वरेरी कुळये सडेवाडीनजीक चिरेखाणीवर सुमारे 8 ते 10 परप्रांतीय कामगार कामास आहेत. याच ठिकाणी हे दोघे काम करत होते. यातील संशयित आरोपी व मृत्यू झालेला युवक हे चुलत भाऊ आहेत. मंगळवारी मध्यरात्रीच्या सुमारास या दोघांमध्येही वाद झाला. यावेळी या घटनेतील संशयित आरोपी रितिक यान भावाजवळ सिगरेट पेटवण्यासाठी असलेला लायटर मागितला. यावरून झालेल्या वादात कृष्णकुमार रितिकेच्या कानशिलात लगावली.
UP News: शरीरावर अखेरचा मेसेज; प्रेग्नंसीमध्ये मारहाण, भयंकर छळाचं वर्णन, विवाहितेने आयुष्य संपवलं
याच रागातून रितिक याने ट्रकमध्ये असलेल्या टॉमी काढली आणि लोखंडी टॉमी कृष्णकुमार यांच्या डोक्यात टॉमीच्या साह्याने जोरदार घाव घातला. हा घाव इतका भयानक होता की यातच कृष्णकुमार याचा मृत्यू झाला. इतकंच नाही तर यावेळी पुरावा नष्ट करण्याचा प्रयत्न करत टॉमी चिरेखाण पाण्यात फेकून देत त्यांनी तेथून पळ काढला.

नेहमीप्रमाणे सकाळी देवगड तळेबाजार येथून नेहमीप्रमाणे कामावर आलेले मुकादम शेंडगे यांना हे दोघेही न दिसल्याने त्यांनी इतर कामगारांना मदतीला घेऊन शोधाशोध सुरु केला. यावेळी मृत्यू झालेल्या कृष्णकुमार याचा मृतदेह चिरेखणीत दिसला व सगळ्यांना एकच धक्का बसला. मात्र त्याचा भाऊ रितिक हा कुठेही दिसला नाही. रितीक हा देवगड तालुक्यातील तळेबाजार बाजारपेठ येथे दिसला यावेळी मुकादम शेंडगे यांनी प्रसंगावधान बाळगत या सगळ्या घटनेची माहिती पोलिसांना दिली. याचवेळी रितिक यालाही त्यांनी आपल्या सोबत ठेवले. तात्काळ या घटनेची माहिती देवगड पोलिसांना दिली. देवगडचे पोलीस पाटील पारकर यांना या सगळ्या गंभीर घटनेची माहिती मुकादम यांनी दिली या घटनेची माहिती पोलीस पाटील पारकर यांनी तात्काळ देवगड पोलीस स्थानकात दिली. पोलिसांनी या घटनेचे गांभीर्य ओळखून तात्काळ घटनास्थळी देवगडचे पोलीस निरीक्षक भरत धुमाळ कर्मचारी पथकासह धाव घेतली.

दरम्यान, संशयित आरोपी रितेश याला अटक करण्यात आली असून त्याच्यावर खुनाचा गुन्हा दाखल करण्यात आला आहे या प्रकरणाचा अधिक तपास देवगडचे पोलीस निरीक्षक भरत धुमाळ करत आहेत.