शिवसेना शिंदे गटाचे दक्षिण रायगडचे प्रवक्ते तथा माजी जिल्हा परिषद सदस्य राजीव साबळे व माणगाव नगरपंचायत नगरसेवक यांना पैशाचे आमिष दाखवून खा. सुनील तटकरे राष्ट्रवादी काँग्रेस पक्षात घेत असल्याचे विधान शिवसेना जिल्हाप्रमुख प्रमोद घोसाळकर यांनी पत्रकार काही दिवसापूर्वी एका पत्रात परिषदेत केले होते.
Raigad News : काळी बाहुली अन् टोचलेले लिंबू, रात्रीच्या वेळी स्मशानभूमीत पैशांचा पाऊस पाडण्याची तयारी झाली, तेवढ्यात…
शिवसेना जिल्हाप्रमुख प्रमोद घोसाळकर यांनी केलेले आरोप हे बिनबुडाचे असून आता कोणतीही निवडणूक नाही. असे सांगत राजीव साबळे यांनी सांगितले की 2 ऑगस्ट 2025 रोजी राष्ट्रवादी काँग्रेस अजित पवार गटाचे राष्ट्रीय अध्यक्ष तथा उपमुख्यमंत्री अजित पवार, प्रदेश अध्यक्ष खासदार सुनील तटकरे यांच्या उपस्थितीमध्ये राष्ट्रवादी काँग्रेस पक्षात प्रवेश करणार असल्याचे माणगाव येथील पत्रकार परिषदेत जाहीर केले आहे.
मुंबई-पुणे महामार्गावर भीषण अपघात, ट्रकचा अर्जंट ब्रेक अन्.., 2 महिलांचा मृत्यू, 4 जखमी
सदर पत्रकार परिषद ही माणगाव शहरातील अशोकदादा साबळे लॉ कॉलेज येथे आयोजित करण्यात होती. यावेळी नगरपंचायतीचे पाणी पुरवठा सभापती कपिल गायकवाड, स्वीकृत नगरसेवक सुनील पवार, विरेश येरुणकर आदी उपस्थित होते. यावेळी अॅड. राजीव साबळे पुढे म्हणाले की, शिवसेनेचे प्रवक्ते पद हे फक्त नावापुरते माझ्याकडे होते. ते अनेकवेळा मी नाकारले व सोडण्याचा प्रयत्न केला. जिल्ह्यात कोणताही मान त्या पदाला दिला जात नव्हता. मंत्र्याची भेट घेण्यासाठी वेळ देखील मिळत नव्हती. खा. सुनील तटकरे यांनी उपमुख्यमंत्री एकनाथ शिंदे यांच्या उपस्थितीत मातोश्री गंगुबाई संभाजी शिंदे सीबीएसई स्कूलच्या उद्घाटनावेळी पाच कोटी सीएसआर निधी उपलब्ध करून देतो अशी घोषणा केली होती. त्याबद्दल त्यांचे मानावे तेवढे आभार कमी आहेत.

उपमुख्यमंत्री एकनाथ शिंदे यांच्यावर आम्ही नाराज नाही. परंतु, त्यांची भेट होऊन दिली जात नाही. अनेक कामे प्रलंबित आहेत. जिल्हाप्रमुख प्रमोद घोसाळकर यांनी किती शिक्षण संस्था चालवल्या आहेत. त्यांनी व अरुण चाळके यांनी राष्ट्रवादी काँग्रेस पक्षात प्रवेश करताना किती पैसे घेतले होते. ते आता आमच्यावर पैसे घेऊन पक्ष प्रवेश करत आहे, असे आरोप करत आहेत. त्यांना याबाबत कायदेशीर नोटीस बजावणार आहे. खा. सुनील तटकरे यांच्या माध्यमातून सर्व कामे पूर्ण केली जातील, असा विश्वास त्यांनी दिला आहे.