फुलंब्री तालुक्यातील सांजुळ येथील तलावात एका तरुणाचा बुडून मृत्यू झाला. ही दुर्दैवी घटना रविवारी (१३ जुलै) घडली. समाधान सीताराम वाकळे (वय ३०) असे मृत तरुणाचे नाव आहे. ते हिंगोली जिल्ह्यातील जिंतूर तालुक्यातील सेनगावचे रहिवासी होते. सध्या ते कुंभेफळ येथे राहत होते. समाधान आणि त्याचे मित्र जेवण करण्यासाठी तलावाच्या परिसरात आले होते. पाण्याचा अंदाज न आल्याने तो बुडाला.

पोलिसांनी दिलेल्या माहितीनुसार, समाधान वाकळे आणि त्याचे पाच-सहा मित्र एका खासगी कंपनीत काम करतात. रविवारी (१३ जुलै) दुपारी साडेतीन ते चारच्या सुमारास सुट्टी असल्याने ते सांजुळ तलावाच्या परिसरात जेवण करण्यासाठी आले होते.

Chhatrapati Sambhajinagar: आई-वडिलांसोबत चिमुकल्याचा अखेरचा प्रवास, कारच्या धडकेत गमावले वडिल आणि मुलाने प्राण समाधान पाण्यात उतरला. त्याला तलावातील खोल खड्ड्याचा अंदाज आला नाही. तो खड्ड्यात पडला आणि गाळात रुतून गेला. त्यामुळे तो बाहेर येऊ शकला नाही.त्याच्या मित्रांनी आरडाओरड केली. आवाज ऐकून शेतकरी तलावाकडे धावले. उपस्थितांनी तात्काळ ११२ या क्रमांकावर संपर्क साधून घटनेची माहिती दिली.फुलंब्री पोलिसांनी घटनास्थळी धाव घेतली. त्यांनी अग्निशमन दलाला बोलावले.

Chhatrapati Sambhajinagar News: देशातील पहिले दिव्यांग आयरन मॅन निकेत दलाल यांचा इमारतीवरून पडून मृत्यूअग्निशमन दलाचे रमेश सोनवणे आणि त्यांच्या सहकाऱ्यांनी पाण्यात शोध घेतला. काही मिनिटांतच त्यांनी समाधानचा मृतदेह बाहेर काढला.या घटनेनंतर परिसरात शोककळा पसरली आहे.समाधानच्या जाण्याने त्याच्या कुटुंबियांवर दुःखाचा डोंगर कोसळला आहे.

यावेळी फुलंब्री पोलिस स्टेशनचे पोलिस निरीक्षक संजय सहाने, पोलिस कॉन्स्टेबल सुनील सोनवणे, दिनकर पांढरे, प्रमोद म्हसलकर घटनास्थळी उपस्थित होते. “पुढील तपास पोलिस निरीक्षक संजय सहाने यांच्या मार्गदर्शनाखाली सुरू आहे,” असे पोलिसांनी सांगितले.

अग्निशमन दलाच्या जवानांनी अथक प्रयत्न करून मृतदेह बाहेर काढला. सांजुळ तलावात यापूर्वीही अशा घटना घडल्या आहेत. त्यामुळे प्रशासनाने या ठिकाणी आवश्यक उपाययोजना करणे गरजेचे आहे.