संभाजी ब्रिगेडचे प्रदेशाध्यक्ष प्रवीण गायकवाड यांना अक्कलकोटमध्ये नागरी सत्कारासाठी….बोलावण्यात आलं असताना, शिवधर्म फाऊंडेशनच्या कार्यकर्त्यांनी त्यांना काळ फासून तीव्र निषेध केला. गायकवाड यांनी स्वामी समर्थ आणि छत्रपती संभाजी महाराजांबाबत अपशब्द….वापरल्याचा आरोप शिवभक्तांनी केला आहे. त्यामुळे त्यांच्या विरोधात राज्यभर संताप आहे. शिवधर्म फाउंडेशनने स्पष्ट इशारा दिला आहे की, संघटनेच्या नावातून ‘छत्रपती संभाजी’….महाराजांचा उल्लेख थांबवला नाही, तर गायकवाडांना रस्त्यावर फिरू दिलं जाणार नाही.दरम्यान यावर स्वत: संभाजी ब्रिगेडचे प्रदेशाध्यक्ष प्रवीण गायकवाड यांनी प्रतिक्रिया दिली.ते म्हणाले, माझ्यावरील भ्याड हल्ला हा मोठा कट आहे. मी कुटुंबासोबत होतो. गोविंद पानसरे, गौरी लंकेश आणि नरेंद्र दाभोळकरांनंतर आता माझ्यावर हल्ला झालाय. हल्ल्याला मी अजिबात घाबरलेलो नाही, पुन्हा एकदा जोमाने आणि ताकदीने लढणार. आज नाही तर उद्या याना निश्चित पश्चात्ताप होईल असाही इशारा त्यांनी यावेळी दिला आहे.