शाळेची वेळ झाली की कुणी सायकल काढतो, कुणी बस पकडतो… तर शाळेत जाण्यासाठी वाहनच नाही, म्हणून काहीजण शिक्षणाकडे पाठही फिरवतात… पण सोलापूरचा हा मुलगा मात्र रोज घोड्यावर बसून शाळेत जातो… काळ्या रस्त्यावर पांढऱ्या घोड्याची टकटक ऐकू आली, की गावकऱ्यांना कळतं आपला लेक शाळेला चाललाय… हा व्हिडीओ सोशल मीडियावर प्रचंड वायरल झाला आहे. आदेश साळुंखे असं या विद्यार्थ्याचं नाव आहे. तो इयत्ता नववीमध्ये शिकतो. शाळेत रुबाबात येतो, रुबाबात शिकतो आणि रुबाबातच घरी जातो. त्याची ही घोड्यावरची स्वारी सर्वत्रच चर्चेचा विषय ठरत असून आकर्षणही ठरू लागलीये… पण घोड्यावरुन शाळेत येण्यामागचं नेमकं कारण काय आहे ते त्याच्याच तोंडून ऐका…