घटनेची माहिती मिळताच शहर विभागाच्या पोलीस उपअधीक्षका विमला एम, स्थानिक गुन्हे अन्वेषणचे पोलीस निरीक्षक सतीश शिंदे, शहरचे पोलीस निरीक्षक संजय मोरे यांच्यासह गुन्हे प्रकटीकरण शाखेच्या पथकांनी घटनास्थळी धाव घेतली होती आणि तपासाला सुरूवात केली. मागील काही दिवसांपासून गुन्हेगारी घटनांमध्ये मोठी वाढ होताना दिसत आहे. मृत सौरभ कांबळे याचा भाऊ अक्षय कांबळे हा पोलिसांच्या रेकॉर्डवरील गुन्हेगार असून त्याच्यावर 27 गंभीर स्वरूपाचे गुन्हे दाखल आहेत. अक्षय कांबळे हा सध्या कारागृहात आहे.
मोठी बातमी! उज्ज्वल निकम होणार राज्यसभेचे खासदार, ‘या’ चार जणांच्या नावाची घोषणामृत सौरभ कांबळे याच्यावर शहर पोलीस ठाण्यात दोन गुन्हे दाखल आहेत. सौरभ कांबळे हा शनिवारी दुपारी चार वाजण्याच्या सुमारास वाल्मिक आवास परिसरात होता. यावेळी त्याच याठिकणी असलेल्या तिघा तरुणांसोबत वाद झाला. या वादातून हल्लेखोरांनी त्यांच्याकडे असलेल्या धारदार शस्त्राने त्याच्या डोक्यात आणि हातावर वार केले. सौरभ हा वाल्मिकी आवास येथील बिल्डिंग क्रमांक सात येथे रक्ताच्या थारोळ्यात पडल्यानंतर संशयितांनी घटनास्थळावरून पलायन केले. यावेळी याची माहिती पोलिसांना देण्यात आली.

याची माहिती मिळताच सांगली शहर आणि स्थानिक गुन्हे अन्वेषणचे पथक घटनास्थळी दाखल झाले आहे. त्यांनी मृतदेहाची तपासणी करून शवविच्छेदणासाठी सांगलीतील शासकीय रुग्णालयात पाठवला. दरम्यान, सांगलीत दिवसाआड खुनाच्या घटना घडत आहेत. आजचा या वर्षातील चाळिसावा खून झाला आहे. खुनाच्या मालिकांनी सांगलीसह संपूर्ण जिल्हा हादरून गेला आहे. आता या हत्या प्रकरणात पुढे काय खुलासे होतात, हे पाहण्यासारखे ठरणार आहेत.