अर्जुन रतन प्रधान असं खून झालेल्या तरुणाचं नाव आहे. तो 28 वर्षांचा होता. तो आंबेलोहळ येथे राहायचा. याप्रकरणी अधिक माहिती अशी की, अर्जुनला दोन भाऊ, एक बहीण आणि आई असा परिवार आहे. अर्जुनचे कुटुंबीय कमळापूर परिसरामध्ये राहतात. दरम्यान गेल्या पाच ते सहा महिन्यांपासून अर्जुन हा आंबेलोहोळ भागामध्ये राहत होता. आंबेलोहोळ भागात कंपनीत काम करून तो राहत होता. त्याच्यावर एमआयडीसी वाळूज पोलीस ठाण्यामध्ये गंभीर गुन्हे दाखल आहेत.

दरम्यान, अर्जुन रतन याचा शनिवारी सकाळी नऊ वाजेच्या सुमारास आंबेलोहळ भागामध्ये निर्जनस्थळी मृतदेह आढळून आला. घटनेची माहिती मिळताच पोलीस निरीक्षक रामेश्वर गाडे, सहाय्यक पोलीस निरीक्षक मनोज शिंदे यांच्यासह इतर पोलीस कर्मचारी घटनास्थळी दाखल झाले. पोलिसांनी मृतदेह ताब्यात घेतलं आणि शवविच्छेदनासाठी शासकीय रुग्णालयात पाठवलं आहे. या प्रकरणी पुढील तपास पोलीस करत आहेत.

आईने फोडला टाहो

दरम्यान, घटनेची माहिती मिळतच अर्जुनची आई घटनास्थळी दाखल झाली. मुलाचा मृतदेह बघून त्यांनी टाकू फोडला. पोलिसांनी मृतदेहावर कपडा टाकलेला असल्यामुळे आईने मला माझ्या मुलाचा एक वेळेस चेहरा बघू द्या असं म्हणत टाहो फोडला. महिलेचा आक्रोश पाहून स्थानिक नागरीक देखील भावूक झाले. आई-वडिलांचा आपल्या मुलांमध्ये जीव असतो. त्यामुळे आई-वडिलांच्या प्रेमाखातर तरी चांगल्या नितीने काम करावं आणि चांगलं आयुष्य जगावं, अशी चर्चा स्थानिकांमध्ये सुरु होती.