अत्यंत गोपनीय पद्धतीने शुक्रवारी रात्री छत्तीसगडच्या खौरागड पोलिसांनी नागपुरात ही कारवाई केली. धनंजय सिंग, चंद्रशेखर अहिरवार, दुमेश श्रीवास, निकुंज पन्ना, समीर बडा आणि छत्रपाल पटेल अशी अटकेतील आरोपींची नावे आहेत.
Buldhana News: आदिवासी आश्रमशाळेतील 13 मुलींना विषबाधा; कढी-भात खाल्ल्यानंतर सुरु झाला त्रास, उपचार सुरु
ईडीसह तपास यंत्रणांनी महादेव ॲप विरुद्ध कारवाई केल्यानंतर सट्टेबाजांनी ‘शिवा’ या ॲपद्वारे सट्टा सुरू केला होता. याबाबत तक्रार मिळताच राजनांदगाव पोलिसांनी तपास सुरू केला. राजनांदगाव व दुर्गमधून याचे संचालन होत असल्याची माहिती समोर आली. त्यानंतर पोलिसांनी आरोपींची धरपकड सुरू केली. नागपुरातूनही सहा जण ‘शिवा’द्वारे खायवडी करीत असल्याचे तपासात आढळले. त्यानंतर शुक्रवारी पोलिसांनी नागपुरात छापा टाकून सहा जणांना अटक केली.

२६ एटीएम, १८ बँक पासबुक, १४ चेकबुक जप्त
पोलिसांनी याप्रकरणी अटक केलेल्या आरोपींकडून २६ एटीएम, १८ बँक पासबुक आणि १४ चेकबुक जप्त केले. हवालाच्या माध्यमातून रक्कम सूत्रधारापर्यंत पोहोचविण्यात येत असल्याचेही पोलिस तपासात आढळून आले आहे.
Shani Shingnapur Temple: शनि शिंगणापूरमध्ये 2474 बोगस कर्मचारी; फौजदारी गुन्हे दाखल करण्याचे मुख्यमंत्र्यांचे आदेश
वाडीत प्रतिबंधित तंबाखूचा साडेतीन लाखांचा साठा जप्त
नागपूर: वाडी पोलिसांनी सापळा रचून प्रतिबंधित सुगंधित तंबाखूचा साडेतीन लाख रुपयांचा साठा जप्त केला. पोलिसांनी अब्दुल गफ्फार अब्दुल जब्बार शेख (५०, रा. कोहळे लेआउट, दत्तवाडी) व सुमित परियानी (रा. खामला) या दोघांविरुद्ध गुन्हा दाखल केला. मालवाहू वाहनातून तंबाखूचा साठा जात असल्याची माहिती पोलिस उपायुक्त सिंगा रेड्डी यांना मिळाली. रेड्डी यांच्या मार्गदर्शनाखाली वाडीचे वरिष्ठ पोलिस निरीक्षक राजेश तटकरे, साहाय्यक निरीक्षक कुणाल धुरट, हेडकॉन्स्टेबल प्रमोद गिरी, प्रमोद सोनवणे, हेमराज बेराळ सतीश येसनकर यांनी शुक्रवारी दुपारी खडगाव मार्गावर सापळा रचला. पोलिसांना एमएच-४०-वाय-२३०३ या क्रमांकाचे मालवाहू वाहन दिसले. पोलिसांनी चालक अब्दुल गफ्फार याला वाहन थांबविण्यास सांगितले. झडती घेतली असता वाहनात तीन लाख ५३ हजार रुपयांचा साठा आढळला. पोलिसांनी साठा जप्त करून अब्दुल याला अटक केली. सुमितकडून माल खरेदी केल्याचे त्याने सांगितले. पोलिसांनी सुमितविरुद्धही गुन्हा दाखल केला.