विलास म्हात्रे कल्याणमधील बेतुकरपाडा येथे राहत होता. KDMC अधिकाऱ्यांनी दिलेल्या माहितीनुसार, ७ जुलै रोजी विलासला कल्याणमधील एका रुग्णालयात दाखल करण्यात आले. तपासणीत त्याला डेंग्यू असल्याचे निदान झाले. त्याची प्रकृती चिंताजनक असल्याने त्याला दुसऱ्या रुग्णालयात हलवण्यात आले. मात्र, उपचारादरम्यान त्याचा मृत्यू झाला. “7 जुलै रोजी विलासला कल्याणच्या रुग्णालयात दाखल करण्यात आले होते आणि त्याची टेस्ट घेतली असता ते पॉझिटिव्ह आले होते.दरम्यान विलासची तब्येत चिंताजनक असल्यामुळे त्याला दुसरीकडे हलवण्यात आले. मात्र उपचारादरम्यान त्याचा मृत्यू झाला असे केडीएमसीच्या अधिकाऱ्यांनी सांगितले.
आता माझं लग्न ठरलंय, तुम्हीही…; कोल्हापुरातील पोलीस युवकाचं पुण्यात धक्कादायक पाऊल
कल्याण डोंबिवलीत डेंग्यूने तरुणाचा बळी गेला. त्यामुळे मनसे (MNS) चांगलीच भडकली आहे. मनसेने महापालिकेच्या आरोग्य विभागाच्या कामावर प्रश्नचिन्ह उभे केले आहेत. डेंग्यूच्या पार्श्वभूमीवर आरोग्य विभाग काहीच हालचाल करत नाही, असा आरोप मनसैनिकांनी केला. मनसैनिकांनी महापालिका मुख्यालयासमोर प्रतीकात्मक आंदोलन केले. यावेळी मनसैनिकांनी जोरदार घोषणाबाजी केली. “इडा पिडा टळो” अशा घोषणा देत त्यांनी नारळ फोडला. यातून त्यांनी महापालिकेच्या ढिलाईचा निषेध व्यक्त केला. मनसेच्या या आंदोलनामुळे महापालिका प्रशासनाचे लक्ष या गंभीर समस्येकडे वेधले गेले आहे.
Raigad News : संशयित बोटीच्या धास्तीने पोलीस यंत्रणेची धाकधूक; ‘सर्च ऑपरेशन’सुरूच, 24 तास..
दुसरीकडे, रुबी हॉल क्लिनिकमधील कथित अवैध किडनी प्रत्यारोपण रॅकेट प्रकरणी शासनाने स्थापन केलेल्या 10 सदस्यीय चौकशी समितीची बैठक येत्या 11 जुलै 2025 (शुक्रवार) मुंबईत आयोजित करण्यात आली आहे. या बैठकीत पुणे शहर पोलीस दलातील वरिष्ठ अधिकारी आणि संबंधित कर्मचारी उपस्थित राहणार आहेत. या प्रकरणी राज्य शासनाने दिनांक 3 सप्टेंबर 2024 रोजी घेतलेल्या निर्णयानुसार उच्च न्यायालयाचे सेवानिवृत्त न्यायमूर्ती संदीप शिंदे यांच्या अध्यक्षतेखाली चौकशी समिती गठित करण्यात आली होती.