Gutkha Seized In Karave Village : नवी मुंबईतील करावे गावात एनआरआय पोलिसांनी एका घरावर छापा टाकून ५ लाख ३५ हजार रुपयांचा गुटखा साठा जप्त केला आहे. या प्रकरणी महेश सोनी नावाच्या २७ वर्षीय व्यक्तीला अटक करण्यात आली आहे.
नवी मुंबईतील करावे गावात एनआरआय पोलिसांनी मोठी कारवाई केली. मंगळवारी एका घरावर छापा टाकून ५ लाख ३५ हजार रुपयांचा गुटखा साठा जप्त केला. या प्रकरणी महेश सोनी (वय २७) याला अटक करण्यात आली आहे. सोनी हा त्याच्या घरात गुटखा आणि तंबाखूजन्य पदार्थ साठवून त्यांची विक्री करत होता, अशी माहिती पोलिसांना मिळाली होती. त्या माहितीच्या आधारावर पोलिसांनी ही कारवाई केली.
Navi Mumbai News : जे.जे. हॉस्पिटलच्या ३२ वर्षीय डॉक्टरने अटल सेतूवरुन उडी घेतली, बचावकार्य सुरु, पण…एनआरआय पोलिसांना माहिती मिळाली की, करावे गावातील मोरेश्वर अपार्टमेंटमध्ये एक व्यक्ती अवैधरित्या सुगंधी पान मसाला, गुटखा आणि तंबाखूजन्य पदार्थांचा साठा करत आहे. त्यानुसार पोलिसांनी सापळा रचला.
पोलिसांनी मंगळवारी सकाळी ११.३० च्या सुमारास करावे गावातील मोरेश्वर अपार्टमेंटमधील खोली क्रमांक २०२ वर छापा मारला.खोलीची तपासणी केली असता, पोलिसांना ५ लाख ३५ हजार रुपये किमतीचा गुटखा, पान मसाला आणि सुगंधी तंबाखूचा मोठा साठा सापडला. पोलिसांनी तात्काळ हा साठा जप्त केला. तसेच, महेश सोनी याला अटक केली.
Navi Mumbai Crime : खारघरच्या 28 वर्षीय डॉक्टरवर साताऱ्यातील लॉजमध्ये लैंगिक अत्याचार, अश्लील व्हिडिओही काढले, पुण्यातील 23 वर्षीय तरुण अटकेतपोलिसांनी दिलेल्या माहितीनुसार, महेश सोनी हा मागील काही दिवसांपासून त्याच्या घरात गुटख्याचा साठा करत होता. तो आजूबाजूच्या परिसरात त्याची विक्री करत असल्याची शक्यता आहे. या कारवाईमुळे परिसरात खळबळ उडाली आहे.
या घटनेनंतर, एनआरआय पोलीस स्टेशनचे वरिष्ठ पोलीस निरीक्षक म्हणाले, “आरोपी महेश सोनी याच्या विरोधात गुन्हा दाखल करण्यात आला आहे. या गुटख्याच्या साठ्याचे मूळ कोठून आले, याचा तपास आम्ही करत आहोत.”
Vikram Pachpute | गुटख्याची जाहिरात करणाऱ्या अभिनेत्यांना नोटीस देणार! विक्रम पाचपुते आक्रमक
पोलिसांनी लोकांना आवाहन केले आहे की, जर कोणालाही अशा प्रकारच्या अवैध धंद्यांबद्दल माहिती असेल, तर त्यांनी पोलिसांना संपर्क साधावा. माहिती देणाऱ्याचे नाव गुप्त ठेवले जाईल, असे आश्वासन पोलिसांनी दिले आहे.