Pune Lohegaon Illegal Activity : आरोपी महिला संबंधित ‘स्पा’सेंटरची मालक आणि व्यवस्थापक आहे. तिने तीन तरुणी आणि गरीब कुटुंबांतील 15 वर्षे वयाच्या दोन अल्पवयीन मुलींना मसाजचे काम देण्याचे आमिष दाखवले
किरण ऊर्फ अनुराधा बाबूराव आडे, वय 28 वर्ष, रा. खराडी, असे अटक करण्यात आलेल्या महिलेचे नाव आहे. या प्रकरणी विमानतळ पोलिस ठाण्यात अनैतिक मानवी वाहतूक प्रतिबंध (पीटा) कायदा, पोक्सो कायदा आणि भारतीय न्याय संहितेतील विविध कलमांन्वये गुन्हा दाखल करण्यात आला आहे. सुटका केलेल्यांमध्ये 15 आणि 17 वर्षीय मुलींचा समावेश असून, 15 वर्षीय मुलीची आईही याच ठिकाणी देहविक्री करीत होती.
गुन्हे शाखेच्या अनैतिक मानवी वाहतूक प्रतिबंध विभागाने ही कारवाई केली. पोलिसांनी दिलेल्या माहितीनुसार, आरोपी महिला संबंधित ‘स्पा’सेंटरची मालक आणि व्यवस्थापक आहे. तिने तीन तरुणी आणि गरीब कुटुंबांतील 15 वर्षे वयाच्या दोन अल्पवयीन मुलींना मसाजचे काम देण्याचे आमिष दाखवले. त्यानंतर अधिक मोबदल्याचे प्रलोभन देऊन त्यांना वेश्याव्यवसायात ढकलले. गोरगरीब मुलींना फसवून त्यांच्याकडून वेश्याव्यवसाय करवून घेतल्याचे निष्पन्न झाले आहे. या महिलेवर यापूर्वी कोणताही गुन्हा दाखल नव्हता. ‘स्पा’ सुरू करण्यासाठी तिने दोन वर्षांसाठी जागेचा भाडेकरार केला होता, अशी माहिती विभागाच्या वरिष्ठ निरीक्षक आशालता खापरे यांनी दिली.
“स्पा’ सेंटरमध्ये मसाजच्या नावाखाली देहविक्रीचा व्यवसाय सुरू असल्याची माहिती मिळाली होती. त्यानुसार पोलिस पथकाने छापा टाकून कारवाई केली. त्या वेळी पाच पीडित तरुणी तेथे आढळून आल्या,’ अशी माहिती खापरे यांनी दिली.
Panipat Assault : महिन्यापूर्वी मुलगा गेला, पतीचा शरीरसंबंधासाठी दबाव, चिडून घर सोडताच रिकाम्या ट्रेनमध्ये सामूहिक अत्याचार, महिलेच्या दाव्याने खळबळ
विमानतळ पोलिसांचे दुर्लक्ष
विमानतळ पोलिस ठाण्याच्या हद्दीत साधारण गेल्या सहा महिन्यांपासून सुरू असलेल्या संबंधित ‘स्पा’ सेंटरबाबत स्थानिक पोलिसांना माहिती कशी मिळाली नाही, की विमानतळ पोलिसांनी जाणीवपूर्वक डोळ्यावर पट्टी बांधली होती, असे प्रश्न उपस्थित होत आहेत.
Kolhapur Farmer | मुलाला गेम खेळायला देणं शेतकऱ्याला महागात पडलं, एका फटक्यात 5 लाख गमावले
‘सेक्स रॅकेट’कडे कानाडोळा
शहरात ‘स्पा’च्या नावाखाली चालणाऱ्या वेश्याव्यवसायावर कारवाई होत असताना, बड्या हॉटेलमध्ये चालणाऱ्या हायप्रोफाइल सेक्स रॅकेटकडे मात्र पोलिसांचे दुर्लक्ष होत असल्याचे चित्र आहे. अलीकडील काही महिन्यांत या प्रकारची एकही मोठी कारवाई झालेली नाही. पोलिसांच्या दुर्लक्षामुळे सेक्स रॅकेट चालविणाऱ्यांचे फावले आहे.
Pune Crime : आई आजारी, जामीन द्या; ‘पोर्शे’ केसमधील बिल्डर अगरवालची मागणी; रक्त बदलाबाबतही धक्कादायक माहिती समोर
दरम्यान, पंधरा वर्षांच्या अल्पवयीन मुलींकडून वेश्याव्यवसाय केला जात असताना, स्थानिक पोलिसांनी त्यावर कारवाई केली नाही. तिथे गुन्हे शाखेने कारवाई केली. असे प्रकार घडल्यास संबंधित ठिकाणच्या चौकी प्रभारी व अधिकाऱ्यांवर कारवाई करण्यात येईल, असे पोलिस आयुक्त अमितेशकुमार यांनी सांगितले होते. आता पोलिस आयुक्त काय भूमिका घेतात, याकडे लक्ष लागले आहे.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा