चॉकलेट मागितले म्हणून राग अनावर

आरोपी बालाजी राठोड याला दारू पिण्याची सवय होती. तो सतत पत्नी वर्षा यांना मारहाण करून वारंवार पत्नी व दोन्ही मुलांना जीवे मारण्याची धमकी देत होता. पतीच्या भीतीपोटी तीन महिन्यांपूर्वी पत्नी वर्षा या मुलीला घेऊन माहेरी नांदेड जिल्ह्यातील लिंबोटी येथे राहायला गेल्या होत्या. आरुषी हिने वडिलांकडे चॉकलेट खाण्यासाठी पैसे मागितले, यामुळे नराधम बापाने मुलीचा गळा वळून फाशी दिल्याचा धक्कादायक प्रकार समोर आला आहे. या प्रकारानंतर आरोपीला गावकऱ्यांनी बांधून चोप दिला आणि पोलिसांच्या हवाली केले.
Latur News: बापरे; लातुरातील इ टेक्नो स्कूलला टाळं, प्रिन्सिपलचा पळ; पालक चिंतेत, लाखो रुपयांच्या फीचं काय?

नवऱ्याला फाशी द्या मृत मुलीच्या आईची मागणी

चार वर्षाच्या आरुषीला माझ्या नवऱ्याने मारून टाकले आहे. त्याला जिवंत ठेवू नका त्याला फाशीची शिक्षा द्या अशी मागणी आरोपीची पत्नी आणि मयत आरुषीची आई वर्षा ठाकूर यांनी केली आहे. नराधम बापाला दारूच्या पुढे बायको लेकरू हे नाते सुद्धा समजले नाही अशा वृत्तीच्या लोकांना जगण्याचा अधिकार नाही अशा भाषेत पोलीस स्टेशनमध्ये मृत मुलीच्या आईने टाहो फोडला. उदगीर ग्रामीण पोलीस ठाण्यामध्ये बालाजी राठोड यांच्या विरोधात गुन्हा नोंद करण्यात आला आहे. पुढील तपास पोलीस निरीक्षक पुजारी आणि त्यांची टीम करत आहे.