महाराष्ट्रातील मुख्य शहरे असणाऱ्या मुंबई आणि पुण्यात कोरोनाने डोके वर काढले आहे. मुंबईत आतापर्यंत ५३ रुग्ण आढळले आहेत. सोमवारी मात्र एकही रुग्ण आढळला नाही. यातच दोन रुग्णांचा कोरोनामुळे मृत्यू झाल्याचे वृत्त समोर आले होते. परंतु महापालिकेने हे मृत्यू कोरोनामुळे नसून इतर गंभीर आजारामुळे झाल्याचे स्पष्ट केले
Mumbai Covid-19 Update : मुंबईतील रुग्ण कोरोनामुळे दगावले? BMCने दिली मोठी अपडेट; आरोग्य विभाग अलर्ट मोडवर
कोरोनाच्या पार्श्वभूमीवर महापालिकेचा आरोग्य विभाग अलर्ट मोडवर आला आहे. मुंबई महानगरात बृहन्मुंबई महानगरपालिकेच्या रुग्णालयांमध्ये उपचार आणि मार्गदर्शनाची सुविधा उपलब्ध करण्यात आली आहे. सेव्हन हिल्स (Seven Hill) रुग्णालयामध्ये २० खाट (MICU), २० खाटा मुले व गरोदर स्त्रियांसाठी, ६० सामान्य खाटा तयार ठेवल्या आहेत. तसेच कस्तुरबा रुग्णालय येथे २ अतिदक्षता (ICU) खाटा व १० खाटांचा वॉर्ड उपलब्ध करण्यात आला आहे.

गेल्या काही दिवसांमध्ये आशिया खंडातील काही देशांमध्ये कोरोना रुग्णांच्या संख्येत वाढ नोंदवली जात आहे. मात्र कोरोना व्हायरसचे आताचे व्हेरिंएट घातक नसल्याचे आरोग्य विभागातील तज्ज्ञांकडून सांगण्यात येत आहे.

आशिया खंडातील हाँगकाँग आणि सिंगापूरमध्ये कोरोनाची रुग्णसंख्या वाढत आहे. कोरोनाचा प्रार्दुर्भाव वाढण्याची भीती वर्तवली जात आहे. पण तज्ज्ञांच्या माहितीनुसार कोरोनाचा हा व्हेरिंएट धोकादायक नसल्याचे सांगण्यात येते. कोरोनाची संसर्ग चीनमधून २०१९मध्ये सुरु झाला होता. जगभरात या विषाणून थैमान घातले होते. ज्यामध्ये अनेकांना जीव गमवावा लागला. जगभरातील सर्व जीवनमान ठप्प झाले होते. मात्र २०२२ पासून सर्व पूर्वपदावर येण्यास सुरुवात झाली. परंतु आता पुन्हा रुग्ण आढळत असल्याचे धाकधूक मात्र वाढणार आहे.