“गुजरातचे मुख्यमंत्री नरेंद्र मोदी हे मुंबई भेटीवर आले आणि त्यांनी शिवसेनाप्रमुखांना भेटण्याची इच्छा व्यक्त केली. गोरेगावच्या नेस्को ग्राऊंडवर शिवसेनेच्या मेळाव्यास शिवसेनाप्रमुख उपस्थित राहणार होते. मेळावा संपल्यावर नेस्को कार्यालयात मोदींना भेटण्याचे नक्की झाले. रात्री दहा वाजता नरेंद्र मोदी गोरेगावला आले. मोदी-बाळासाहेब भेटीच्या वेळी मनोहर जोशी, उद्धव ठाकरे, सुभाष देसाई आणि मी असे मोजकेच लोक उपस्थित होतो. मोदी यांनी अत्यंत विनम्रतेने वाकून बाळासाहेबांना नमस्कार केला”, असं संजय राऊत म्हणाले आहेत.

“मला आपले आशीर्वाद हवेत, असं मोदी म्हणाले. बाळासाहेबांनी त्यांच्या पाठीवर आशीर्वादाची थाप मारली. दोन नेत्यांत दिलखुलास चर्चा झाली. निरोप घेताना मोदींनी बाळासाहेबांचे दोन्ही हात हातात घेऊन आपल्या भावना मोकळ्या केल्या. त्या भेटीत सध्याचे केंद्रीय गृहमंत्री अमित शाह कोठेच नव्हते. आज मोदींमध्ये दिसणारा अहंकार मला तेव्हा दिसला नाही”, असं संजय राऊत आपल्या पुस्तकात म्हणाले आहेत.
Narkatla Swarg : ‘वाजपेयींना त्यावेळी नरेंद्र मोदींना मुख्यमंत्रीपदावरून हटवायचे होते, पण बाळासाहेबांनी…’, संजय राऊत यांचा गौप्यस्फोट
“मी नरेंद्र मोदींचा विरोधक आहे. माझा मोदीविरोध व्यक्तिगत द्वेषातून आला असल्याचा आरोप भारतीय जनता पक्षाचे लोक नेहमीच करतात. हा आरोप निराधार आहे. कारण सर्व जग मोदींची कोंडी करीत होतं तेव्हा मी अनेक व्यासपीठांवरून मोदींची बाजू भक्कमपणे मांडत होतो. ‘सामना’तील त्या काळातले माझे अग्रलेख त्याची साक्ष आहेत”, असंदेखील संजय राऊतांनी स्पष्ट केलं.