‘छत्रपती’साखर कारखान्याकरिता आज मतदान प्रक्रिया पार पडली. यावेळी बारामती तालुक्यातील खताळपट्टा या ठिकाणी उपमुख्यमंत्री अजित पवार यांच्यासहराज्यसभा खासदार सुनेत्रा पवार, अजित पवारांच्या आई आशा पवार यांनी मतदानाचा हक्क बजावला.मतदानाचा हक्क बजावल्यानंतर माध्यमांशी बोलताना विविध विषयांवर प्रतिक्रिया दिली. ते म्हणाले, ज्यांच्यामध्ये कारखाना व्यवस्थित चालवायची धमक आहे त्यांनाच मतदान करावं. माझा झंजावाती दौरा नव्हता, शेवटचे दोन दिवस मी प्रचार सभा घेतल्या. मी सभासद आहे, माझे वडील, माझे आजोबा सभासद होते. परिवारातले अनेकजण सभासद आहेत.राजकीय दृष्ट्या नाही तर आमच्या आर्थिक दृष्ट्या आमच्या ५३ गावातल्या….इंदापूर आणि बारामती तालुक्यातील दृष्टीने हा साखर कारखाना फार महत्त्वाचा आहे. यावेळी खासदार सुनेत्रा पवार यांनीही प्रतिक्रिया दिली आहे.