कोल्हापूर जिल्हा दूध उत्पादक संघ म्हणजे गोकुळ दूध संघात…सध्या अध्यक्ष पदावरून राजकीय वातावरण चांगलचं तापलं आहे. विद्यमान अध्यक्ष अरुण डोंगळे यांनी राजीनामा देण्यास नकार दिल्यानंतर….त्यांच्यावर अविश्वास प्रस्ताव येणार का अश्या चर्चा सुरू आहेत. तर दुसऱ्या बाजूला मंत्री हसन मुश्रीफांनी देखील अरुण डोंगळेंवर टीका केलीय. अरुण डोंगळे यांना सत्तेची हाव सुटत नाहीय. याआधी देखील ते शब्द पाळत नाही हा त्यांचा इतिहास आहे. मात्र माझं आजही त्यांना आवाहन आहे. डोंगळे यांनी ठरल्याप्रमाणे राजीनामा द्यावा…असं मंत्री हसन मुश्रीफ यांनी म्हटलं आहे, ते आज कोल्हापुरात पत्रकारांशी बोलत होते.
