पुनित विनोद वाटकर (वय २३) असं मृत तरुणाचं नाव आहे. तो नांदेड येथे बी.एस.सी नर्सिंगच्या तृतीय वर्षात शिकत होता. पुनितच्या आत्महत्येनंतर त्याच्या पालकांनी महाविद्यालयाच्या व्यवस्थापनावर आक्षेप घेतला असून त्यांच्या त्रासामुळेच त्याने हे टोकाचं पाऊल उचलल्याचा आरोप केला आहे.
Jalgaon News : घरात लग्नाची धामधूम; पण बोहल्यावर चढण्याच्या ८ दिवस आधी तरुणाचा टोकाचा निर्णय, रात्री शेतात गेला तो परतलाच नाही
पुनित विनोद वाटकर आणि त्याची बहिण हे दोघे नांदेड शहरातील धनगरवाडी येथील लोटस नर्सिंग कॉलेजमध्ये बी.एस.सी नर्सिंगच्या तृतीय वर्षात शिकत होते. शिक्षणासाठी दोघेच नांदेडमध्ये राहत होते. १२ मे रोजी पुनित हा घरातून बाहेर पडला. बाहेर जाऊन येतो म्हणून तो निघून गेला होता. तो परत न आल्याने त्याच्या मित्रांनी ग्रामीण ठाण्यात तक्रारही दिली होती. तीन दिवसानंतर म्हणजेच गुरुवारी सकाळी पुनीतचा मृतदेह गोदावरी नदी पात्रात तरंगताना काही लोकांना दिसला. तात्काळ या घटनेची माहिती पोलिसांना देण्यात आली.
Jalgaon News : शेततळ्यात गेले तर परतलेच नाहीत, तरुणांसोबत दुर्दैवी घटना; शेत मजुरी करुन कुटुंबाला आधार देणाऱ्या लेकांचा करुण अंत
सध्या महाविद्यालयाकडून एकदमच १६ असाईनमेंट दिल्या होत्या. या असाईनमेंट पूर्ण करणाऱ्यांनाच परिक्षेला बसवण्यात येणार असं सांगितलं होतं. त्यामुळे तो दोन दिवसांपासून तणावात होता. कोणाशी बोलतही नव्हता, असं त्याच्या मित्रांनी सांगितलं. शिक्षकांच्या त्रासाला कंटाळून पुनीतने टोकाचं पाऊल उचललं असा आरोप नातेवाईकांनी केला.

दरम्यान, पुनितच्या पालकांसह संतप्त विद्यार्थ्यांनी महाविद्यालयावर गुन्हा दाखल करण्याच्या मागणीसाठी वजीराबाद पोलीस ठाणे गाठलं. मात्र कुठलाच प्रतिसाद मिळाला नाही. त्यानंतर या विद्यार्थ्यांनी जिल्हाधिकारी कार्यालयासमोर ठिय्या आंदोलन केलं. पुनीतच्या आत्महत्येने कुटुंबावर दु:खाचा डोंगर कोसळला असून त्याच्या जाण्याने हळहळ व्यक्त होतं आहे.