पोलीस सूत्रांनी दिलेल्या माहितीनुसार पिंपळगाव राजा येथील चिकन सेंटर चालविणारा आरोपी रेहान खान याने याच पेठपुरा भागात राहणारी 9 वर्षीय मुलगी किराणा दुकानावर अंडे घेण्यासाठी आली असता, आरोपीने 50 रुपयांची नोट दाखवून बालिकेला चिकन सेंटर च्या दुकानात बोलाविले. व तिच्यावर बळजबरीने अत्याचार केला. सदर घडलेला प्रकार पीडितेने तिच्या नातेवाईकांना सांगितला. यावरून नातेवाईकांनी तातडीने पिंपळगाव राजा पोलीस स्टेशन गाठून पोलिसात तक्रार दिली.
Satara News घाटातल्या वळणावर तीन बहिणी आडव्या आल्या, इमर्जन्सी ब्रेक दाबला अन् धडामssss डंपर जागेवर पलटी, पण देव तारी त्याला….
आरोपी आणि पीडित चिमुकली एकाच समाजाचे असून काही वेळातच सदर बाब वाऱ्यासारखी परिसरात पसरली. नागरिकांनी तातडीने पिंपळगाव राजा पोलीस स्टेशन गाठून सदर आरोपीला तातडीने अटक करण्याची मागणी केली. पिंपळगाव राजा पोलिस स्टेशनवर सातशे ते आठशे लोकांचा जमाव जमला होता. पोलिसांनी गुन्हा दाखल करण्यात तिरंगाई केल्याने नागरिकांमध्ये संताप व्यक्त होत होता. पोलिस उपयुक्तांनी आरोपीविरुद्ध गुन्हा दाखल करून पीडीतेला उपचारासाठी सामान्य रुग्णालय खामगाव येथे पाठविले. नागरिकांचा रोष पाहता पोलिसांनी दोन विशेष पथके नेमून आरोपीला नांदुरा तालुक्यातील वसाडी येथून अटक केली.
Pune News : ‘बिर्याणी पार्टी विथ पोलीस प्रकरण, गजा मारणेला ढाब्यावर नेणारा सांगलीचा पांड्या जेरबंद, आता मास्टरमाईंडचं नाव येणार समोर?

रात्रपाळीसाठी निघालेल्या महिलेवर अत्याचार

दुसरीकडे, पुण्यातील खेड तालुक्यातील मेदनकरवाडी परिसरात रात्रपाळीसाठी कामावर निघालेल्या एका 27 वर्षीय महिलेवर अज्ञात इसमाने बलात्कार केल्याचा धक्कादायक प्रकार समोर आला आहे. घडलेला प्रकार कुणाला सांगितला, तर जीवे ठार मारण्याची धमकी आरोपीने पीडितेला दिली. या प्रकरणात पोलिसांनी अवघ्या काही तासांत आरोपीच्या मुसक्या आवळल्या आहेत. प्रकाश तुकाराम भांगरे (रा. मेदनकरवाडी, मूळ रा. अकोले, जि. अहमदनगर) असे आरोपीचे नाव आहे. कंपनीत कामावर निघालेल्या महिलेवर अंधाराचा फायदा घेऊन, रस्त्यावरून फरफटत निर्जनस्थळी नेऊन तिच्यावर बलात्कार केल्याची घटना मंगळवारी रात्री साडेदहा वाजता चाकण येथील मेदनकरवाडी येथे घडली.