Maharashtra BJP : भाजपने मंडळांची संख्या वाढवली तसेच, नागपूर व अमरावती ग्रामीण शिवसेनेप्रमाणे दोन अध्यक्ष दिले. पक्षाच्या संघटनात्मक ७८ अध्यक्ष आहेत. विदर्भात १७ होते आता १९ झाले आहेत.
भाजपने मंडळांची संख्या वाढवली तसेच, नागपूर व अमरावती ग्रामीण शिवसेनेप्रमाणे दोन अध्यक्ष दिले. पक्षाच्या संघटनात्मक ७८ अध्यक्ष आहेत. विदर्भात १७ होते आता १९ झाले आहेत. यावेळी काटोल आणि मेळघाट अशा दोन अध्यक्षांची भर पडली. प्रदेश निवडणूक अधिकारी आमदार चैनसुख संचेती यांनी मंगळवारी ५८ अध्यक्षांची घोषणा केली, २२ अद्याप प्रलंबित आहेत. पक्षाने विदर्भात समतोल साधण्याचा प्रयत्न केला. सामाजिक समीकरण लक्षात घेतले आणि महिलांनादेखील संधी दिली.
Navneet Rana: हिंदू शेरनी तुला काही दिवसांत संपवू; पाकिस्तानमधून भाजप नेत्या नवनीत राणांना जीवे मारण्याची धमकी
अनुसूचित जाती, जमाती आणि महिलांचा विचार करण्यात आला. विदर्भात दोन महिला अध्यक्ष आहेत. फुफाटे यांचे नाव विधान परिषदेसाठी आघाडीवर होते. महापालिका, जिल्हा परिषद व अन्य स्थानिक स्वराज्य संस्थांच्या निवडणुकीच्या दृष्टीने संघटनेची रचना केली जात आहे. प्रदेशाध्यक्ष चंद्रशेखर बावनकुळे यांच्या जागेवर कार्याध्यक्ष रवींद्र चव्हाण यांचे नाव निश्चित झाले आहे.
शिवरायांचा समावेश अभ्यासक्रमात करा, शिक्षणमंत्र्यांना चिठ्ठी; मेडिकलच्या विद्यार्थ्याने संपवलं जीवन
आणखी कुणाला संधी?
अध्यक्षपदासाठी ४५ ते ६० वयोगट आणि आमदार नको, असे पक्षाचे धोरण होते. गेल्यावेळी आमदारांना प्राधान्य देण्यात आले. अध्यक्ष व आमदार एकच राहिल्यास दोन्ही पदांना न्याय दिला जात नाही, म्हणून पक्षाने निकष बदलवले. विविध मोर्चांवर कुणाला संधी मिळते आणि पायउतार झालेल्या अध्यक्षांकडे कोणती व कशी जबाबदारी येते, याकडे कार्यकर्त्यांचे लक्ष लागले आहे.
लेट पण थेट! ‘बार्टी’तील कंत्राटी कर्मचाऱ्यांना मोठा दिलासा; तब्बल १२ वर्षांनंतर मानधनात ४६ टक्क्यांनी वाढ
विदर्भातील अध्यक्ष
खामगावचे सचिन देशमुख आणि अकोला शहरचे जयवंत मसणे यांना कायम ठेवण्यात आले. नागपूर शहर : दयाशंकर तिवारी, ग्रामीण रामटेक आनंदराव राऊत, काटोल मनोहर कुंभारे, बुलढाणा विजयराज शिंदे, अकोला ग्रामीण संतोष शिवरकर, वाशीम पुरुषोत्तम चितलांगे, अमरावती: नितीन धांडे, ग्रामीण : रविराज देशमुख, यवतमाळ : प्रफुल्ल चव्हाण, पुसद डॉ. आरती फुफाटे, मेळघाट : प्रभूदास भिलावेकर, भंडारा : आशु गोंडाने, गोंदिया : सीता रहांगडाले.
कुंभारेंवर विशेष जबाबदारी तीन टर्मचे जिल्हा परिषदेचे सदस्य असलेले मनोहर कुंभारे हे कधीकाळी काँग्रेसचे माजी मंत्री सुनील केदार यांच्या किचन कॅबिनेटमध्ये होते. लोकसभेच्या निवडणुकीत ऐनवेळी केदारांशी फारकत घेत त्यांनी भाजपमध्ये प्रवेश केला. केदारांच्या राजकारणाची स्टाईल त्यांना माहीत आहे. आ. डॉ. आशिष देशमुख यांच्या विधानसभा निवडणुकीत त्यांनी महत्त्वाची भूमिका बजावली. त्यामुळे आता त्यांच्यावर जिल्हाध्यक्ष पदाची जबाबदारी टाकून भाजपने केदारांना शह देण्याचा प्रयत्न केला आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा