जळगाव जिल्ह्यातील यावल तालु्क्यातील पिचर्डे गावातील सीआरपीएफ जवान….संजय भगवान महाजन यांची कर्तव्यावर असताना प्रकृती अचानक खालावली. उपचारादरम्यान त्यांनी अखेरचा श्वास घेतला. त्यांच्या निधनाने गावावर शोककळा पसरलीये. संजय महाजन हे केंद्रीय राखीव पोलीस दलात (CRPF) कार्यरत होते. काही दिवसांपूर्वीच ड्युटीवर असताना त्यांची तब्येत बिघडली होती. तत्काळ त्यांना रुग्णालयात दाखल करण्यात आले. मात्र, उपचारादरम्यान त्यांची प्राणज्योत मालवली.आज सकाळी ११ वाजता त्यांचे पार्थिव त्यांच्या मूळगावी पिचर्डे येथे पोहोचले. गावात शोकसागर उसळला. संपूर्ण गावाने अश्रूंच्या साक्षीने आपल्या वीर जवानाला अखेरचा निरोप दिला. गावातून मिरवणुकीने अंत्ययात्रा काढत दुपारी १ वाजता मुलाने त्यांच्या पार्थिवाला अग्निदाग दिला.