याप्रकरणी मिळालेली माहिती अशी की, अजित पवारांच्या राष्ट्रवादी काँग्रेसचा माजी पदाधिकारी असलेल्या शांतनु कुकडेला पुणे पोलीसांनी काही महिलांच्या तक्रारीनंतर बलात्कार प्रकरणात अटक केली. या प्रकरणात अनेकांचा सहभाग आढळून आल्याने पोलीसांनी शांतनु कुकडेच्या बँक खात्यांची पडताळणी केली असता कुकडे आणि दिपक मानकर यांच्यात एक कोटी रुपयांची देवाणघेवाण झाल्याचे आढळून आले. पोलीसांनी याबाबत दिपक मानकरला चौकशीला बोलावलं असता त्याने कुकडे सोबत आपले कोणतेही आर्थिक व्यवहार नसल्याचा दावा करत काही कागदपत्रे पोलीसांसमोर सादर केली.
Pune News: पुण्यातील तरुणीसोबत धक्कादायक प्रकार; आधी अश्लील व्हिडीओ पाठवले आणि नंतर…; नेमकं काय घडलं?
पोलीसांनी दिपक मानकरांनी सादर केलेल्या कागदपत्रांची सत्यता तपासली असता ती कागदपत्रे बनावट असल्याचे आढळून आले. त्यानंतर दिपक मानकरच्या विरोधात बनावट कागदपत्रे सादर करुन पोलीसांची फसवणूक केल्याबद्दल गुन्हा दाखल करण्यात आला. दिपक मानकर हे पुण्याचे उपमहापौर आहेत. याप्रकरणी दिपक मानकर यांच्याशी संपर्क केला असता त्यांनी तूर्तास यावर कोणतीही प्रतिक्रिया देणारं नसल्याचं म्हंटल आहे.
Sanjay Raut : ‘लाडक्या उद्योगपती मित्रांना अटकेची भीती, पडद्यामागे अंधारात…’; संजय राऊतांच्या विधानाने खळबळ
दुसरीकडे, शिरूर विधानसभा मतदारसंघाचे आमदार माऊली कटके आणि जुन्नर विधानसभा मतदारसंघाचे माजी आमदार अतुल बेनके यांनी आपण आढळराव पाटलांना खासदार केल्याशिवाय स्वस्थ बसणार नसल्याचं म्हंटल आहे. शिवाजीराव आढळराव पाटील यांचे व्यक्तिमत्व वेगळेच आहे. पद असो किंवा नसो, समाजाच्या उन्नतीसाठी झटणारे आढळराव कधी थकलेले दिसले नाहीत. त्यांची विकासकामे करण्याची धमक आणि संपर्क हा आम्हा आमदारांसाठी ऊर्जा स्त्रोत आहे. त्यांना पुन्हा खासदार केल्याशिवाय आम्ही स्वस्थ बसणार नाही, असा निर्धार आमदार ज्ञानेश्वर (माऊली ) कटके यांनी व्यक्त केला. शिवाजीराव आढळराव पाटील यांच्या वाढदिवसानिमित्त लांडेवाडी (ता. आंबेगाव) येथे महाराष्ट्राचा हास्य मेळा या कार्यक्रमाचे आयोजन करण्यात आले होते. त्यावेळी ते बोलत होते.