काय आहे प्रकरण?

राहुल आणि अंजली (दोघांची नावे बदलली आहेत) यांनी १९९५ मध्ये आंतरजातीय प्रेमविवाह केला. मात्र, हुंडा आणि जुन्या चालीरीती-परंपरांबाबतच्या मतभेदांमुळे त्यांच्या नात्यात वादाची ठिणगी पडली. काही वर्षांनी त्यांना एक मुलगा झाला. त्यानंतर नोकरी-व्यवसायासाठी राहुल परदेशात गेला. त्याच्या अनुपस्थितीत अंजलीला सासरच्या मंडळींकडून मानसिक व भावनिक त्रास सहन करावा लागला. त्यातच राहुलचा जुन्या मैत्रिणीसोबतचा संवाद वाढल्याने दोघांमध्ये दुरावा निर्माण झाला. सततच्या वादविवादाचा नकारात्मक परिणाम त्यांच्या मुलाच्या मानसिक, शैक्षणिक व व्यावसायिक वाढीवर होऊ लागला.
Satara News : ब्रिटिशांपासून लपवलेली शस्त्रं दशकांनी सापडली, महाबळेश्वरच्या विहिरीत ‘इतिहास’ गवसला, शिवकालीन ठेव्याशी साधर्म्य
वयाच्या साठोत्तरीत पोहोचलेल्या या दाम्पत्याने सततचे वादविवाद थांबविण्यासाठी समुपदेशकांची मदत घेण्याचा निर्णय घेतला. पत्नीने पुणे जिल्हा विधी सेवा प्राधिकरणाकडे समुपदेशनासाठी अर्ज केला. प्रमुख जिल्हा न्यायाधीश महेंद्र महाजन यांच्या मार्गदर्शनाखाली व विधी सेवा प्राधिकरणाच्या सचिव सोनल पाटील यांच्या नेतृत्वात समुपदेशक प्रशांत लोणकर यांनी या दाम्पत्याचे समुपदेशन केले.

Kanpur Engineer Death : हेअर ट्रान्सप्लांटनंतर चेहरा सुजला, 37 वर्षीय इंजिनिअरचा तडफडून मृत्यू, MBBS डॉक्टरवर गुन्हा
दोघे वेगवेगळ्या देशात असतानाही ऑनलाइन पद्धतीने दोघांना एकत्र बसवून त्यांची समजूत घालण्यात आली. आपल्या वादविवादामुळे मुलाच्या आयुष्यावर झालेले परिणाम लक्षात घेऊन पती-पत्नीने समजूतदारपणा दाखविला. पुणे जिल्हा विधी सेवा प्राधिकरणातील समुपदेशनातून झालेल्या सकारात्मक संवादातून कुटुंब सावरल्याची भावना समुपदेशकांनी व्यक्त केली.